lisotsok

កម្មករនឹងទទួលបានប្រាក់សោធននិវត្តន៍នៅឆ្នាំ ២០១៥(4)

កម្មករនឹងទទួលបានប្រាក់សោធននិវត្តន៍នៅឆ្នាំ ២០១៥

ក្រុមហ៊ុនបញ្ជាទិញអាមេរិកស្នើកម្ពុជាដោះស្រាយប្រាក់ឈ្នួលឲ្យបានឆាប់(3)

ក្រុមហ៊ុនបញ្ជាទិញអាមេរិកស្នើកម្ពុជាដោះស្រាយប្រាក់ឈ្នួលឲ្យបានឆាប់

កីឡាស៊ីហ្គេម(2)

សម្តេចហ៊ុនសែន ចំណាយលុយផ្ទាល់ខ្លួនជាង ៤ សែនដុល្លារ ផ្តល់ជូនកីឡាករ បានមេដាយ ពីកីឡាស៊ីហ្គេម

ការបង្រ្កាបបាតុករនៅផ្លូវវេងស្រេង(1)

កម្មករ ប្រជាពលរដ្ឋ អ្នកលក់ដូរ សិស្សសាលា អ្នករត់ម៉ូតូកង់បីច្រើននាក់ត្រូវស្លាប់និងរងរបួស

Thursday, January 29, 2015

ដំណឹងជ្រើសរើសបុគ្គលិក....! (ហ្គោលស៊ីធីកាស៊ីណូ-សណ្ឋាគារ)

1/29/2015 09:32:00 AM

Sam

ក្រុមហ៊ុន សណ្ឋាគារ-កាស៊ីណូហ្គោលស៊ីធី មានទីតាំងស្ថិតនៅ ព្រំដែនកម្ពុជា-វៀតណាម ផ្លូវជាតិលេខ ៧៦ ភូមិត្រពាំងស្រែ ឃុំពីរធ្នូ ស្រុកស្នួល ខេត្តក្រចេះ ត្រូវការជ្រើសរើសបុគ្គលិក ដើម្បីមកបំរើការងារ ជួនក្រុមហ៊ុន ដែល មាន មុខតំណែង ដូចខាងក្រោមៈ

ល.រ	មុខតំណែង	ចំនួន	ភេទ	ផ្សេងៗ
1	អ្នករៀបចំវេណ	01 នាក់	ប្រុស/ស្រី	មានបទពិសោធន៍ចាប់ពី0១ឆ្នាំឡើងទៅ
2	អ្នកចែកបៀ	12 នាក់	ប្រុស/ស្រី	មានឬមិនមានបទពិសោធន៍
3	ប្រធានក្រុមរៀបបៀ	01 នាក់	ប្រុស/ស្រី	មានបទពិសោធន៍ចាប់ពី0៣ឆ្នាំឡើងទៅ
4	បុគ្គលិកកាមេរ៉ា	01 នាក់	ប្រុស/ស្រី	មានបទពិសោធន៍ចាប់ពី0១ឆ្នាំឡើងទៅ
5	ជំនួយការគណនេយ្យ	02 នាក់	ប្រុស/ស្រី	មានបទពិសោធន៍ចាប់ពី0១ឆ្នាំឡើងទៅ
6	ជំនួយការអាយធី	01 នាក់	ប្រុស	មានបទពិសោធន៍ចាប់ពី0១ឆ្នាំឡើងទៅ
7	ជាងម៉ាស៊ីនត្រជាក់	01 នាក់	ប្រុស	មានបទពិសោធន៍ចាប់ពី0១ឆ្នាំឡើងទៅ
8	សន្តិសុខ	01 នាក់	ប្រុស	មិនមានបទពិសោធន៍
9	អ្នកលើកទឹក	04 នាក់	ប្រុស/ស្រី	មិនមានបទពិសោធន៍
10	ចុងភៅកំរឹត៣	01 នាក់	ប្រុស/ស្រី	មានបទពិសោធន៍ចាប់ពី0១ឆ្នាំឡើងទៅ
11	ជំនួយការចុងភៅ	01 នាក់	ប្រុស/ស្រី	មិនមានបទពិសោធន៍
12	អ្នកលាងចាន	02 នាក់	ប្រុស/ស្រី	មិនមានបទពិសោធន៍

លក្ខណៈសម្បត្តិៈ
ជាបុគ្គលដែលមានភាពរួសរាយរាក់ទាក់ជានិច្ច មានភាពស្មោះត្រង់ចំពោះក្រុមហ៊ុនចេះសហការគ្នាជាមួយ មិត្តរួមការងារ អាចធ្វើការងារជាក្រុម ចេះគោរពថ្នាក់លើ និងបញ្ចប់ការសិក្សា ចាប់ពីថ្នាក់ទី៨ ឡើងទៅ។

តម្រូវការៈ
អាយុចាប់ពី ១៨ឆ្នាំឡើងទៅ។ រូបថតបច្ចុប្បន្នភាព ៤x៦ចំនួន០២សន្លឹក។ អត្តសញ្ញាណប័ណ្ណ សញ្ជាតិខ្មែរ សៀវភៅគ្រួសារ និងសំបុត្របញ្ជាក់កំណើតច្បាប់ដើម។ ឯកសារកោសលប់ ឬក្លែង
បន្លំ គឺមិនអនុញ្ញាតអោយចូលរួមសម្ភាសន៍ឡើយ។ ឯកសារផ្សេងៗប្រសិនបើមាន។

របៀបដាក់ពាក្យៈ បេក្ខជនដែលចាប់អារម្មណ៍ សូមផ្ញើប្រវត្តិរូប (CV) តាមរយៈ

1- ការិយាល័យភ្នំពេញៈ
- លោក ម៉ម វុធ ប្រធានរដ្ឋបាល
- ទូរស័ព្ទលេខៈ +855-98-333-855
- អ៊ីមែលៈ vuthmam_khmer@yahoo.com

2- ការិយាល័យកាស៊ីណូហ្គោលស៊ីធីៈ
- លោក សុខ សក្កដា ប្រធានរដ្ឋបាល
- ទូរស័ព្ទលេខៈ +855-97-76-200-80, +855-15-71-23-44
- អ៊ីមែលៈ hrgoldcity@gccasino.com, sakadasok@gmail.com

3- ការិយាល័យធនធានមនុស្ស តាមអាសយដ្ឋានខាងលើ ចាប់ពីថ្ងៃជូនដំណឹងនេះតទៅ។

ប្រវត្តិរូប(CV)របស់ បេក្ខជន នឹងត្រូវបានទាក់ទងតាមទូរស័ព្ទដើម្បីណាត់ថ្ងៃសម្ភាសន៍។

បញ្ជាក់ៈ បុគ្គលិកអាចទទួលបាននូវៈ កន្លែងស្នាក់នៅ ទឹក ភ្លើង ផ្តល់ជូនអាហារទាំងក្នុង និងក្រៅម៉ោង ការងារ។

ហ្គោលស៊ីធី, ថ្ងៃទី ១៦ ខែ មករា ឆ្នាំ២០១៥

ការិយាល័យគ្រប់គ្រងធនធានមនុស្ស

អានបន្ត

Monday, December 15, 2014

របាយការណ៍ស្ទង់មតិបង្ហាញថាពលរដ្ឋខ្មែរភាគច្រើនយល់ថាកម្ពុជាកំពុងដើរលើផ្លូវខុស

12/15/2014 02:39:00 PM

Unknown

របាយការណ៍ស្ទង់មតិរបស់មូលនិធិអាស៊ី (The Asia Foundation) ដែលចេញផ្សាយកាលពីថ្ងៃទី១០ ខែធ្នូ បង្ហាញថា ក្នុងចំណោមពលរដ្ឋដែលត្រូវបានសាកសួរនៅទូទាំងប្រទេសពលរដ្ឋភាគ ច្រើនយល់ឃើញថា ប្រទេសកម្ពុជា កំពុងដើរនៅលើផ្លូវខុស។ បញ្ហាពុករលួយ ការកាប់បំផ្លាញព្រៃឈើ បញ្ហាសង្គម និងសេដ្ឋកិច្ច គឺជាមូលហេតុចម្បងធ្វើឲ្យពលរដ្ឋយល់ឃើញបែបនេះ។

«លទ្ធិប្រជាធិបតេយ្យនៅកម្ពុជាឆ្នាំ២០១៤ ការស្ទង់មតិរបស់អ្នកបោះឆ្នោត» នេះគឺជាចំណងជើងនៃការស្ទង់មតិថ្នាក់ជាតិដែលបានរៀបចំឡើងដោយ មូលនិធិអាស៊ី រយៈពេល ២០ថ្ងៃ គឺចន្លោះពីថ្ងៃទី១៩ ខែឧសភា ដល់ថ្ងៃទី៩ មិថុនា ឆ្នាំ២០១៤។

ក្នុងរយៈពេល ២០ថ្ងៃនៃការស្ទង់មតិនេះ ពលរដ្ឋដែលជាអ្នកបោះឆ្នោតចំនួន ១ពាន់នាក់មកពីបណ្ដាខេត្តក្រុងទូទាំងប្រទេស ត្រូវបានគេសាកសួរលើកលែងតែខេត្តកែបមួយចេញ។

ការស្ទង់មតិបានផ្ដោតទៅលើបញ្ហាសំខាន់ៗមួយចំនួន ក្នុងនោះរួមមានចំណាប់អារម្មណ៍របស់ពលរដ្ឋទៅលើបញ្ហាធ្ងន់ធ្ងរ បំផុតនៅកម្ពុជា ឥរិយាបថរបស់ពលរដ្ឋចំពោះការគ្រប់គ្រងនៅថ្នាក់ក្រោមជាតិ និងថ្នាក់ជាតិ អំពីគណបក្សនយោបាយ ការផ្តល់អំណាចឲ្យស្ត្រីចូលរួមក្នុងវិស័យនយោបាយ ការបោះឆ្នោតថ្នាក់ជាតិឆ្នាំ២០១៣ ការកែទម្រង់ប្រព័ន្ធបោះឆ្នោត និងអំពីការទទួលបានព័ត៌មានជាដើម។

ជាលទ្ធផល ការស្ទង់មតិសន្និដ្ឋានជារួមថា បើទោះជាកម្ពុជា មានកំណើនសេដ្ឋកិច្ច និងការកាត់បន្ថយភាពក្រីក្រគួរឲ្យកត់សម្គាល់ក៏ដោយ ក៏ពលរដ្ឋភាគច្រើននិយាយថា ប្រទេសកម្ពុជា កំពុងដើរនៅលើផ្លូវខុស។ ក្នុងនោះអ្នកឆ្លើយសំណួរ ៥៩% ឆ្លើយថា កម្ពុជាដើរនៅលើផ្លូវខុស ខណៈពលរដ្ឋ ៣២% យល់ថា កម្ពុជាដើរនៅលើផ្លូវត្រូវ។

ក្នុងចំណោមបញ្ហាជាច្រើនផ្សេងទៀត បញ្ហាពុករលួយ ការកាប់បំផ្លាញព្រៃឈើ ការគ្មានទីជម្រក បញ្ហាសុំទាន និងពលកម្មកុមារ សុទ្ធសឹងតែជាបញ្ហាធ្ងន់ធ្ងរបំផុតដែលពលរដ្ឋគិតថា កម្ពុជាកំពុងជួបប្រទះ។

ផ្ទុយទៅវិញ សម្រាប់ពលរដ្ឋដែលគិតថា កម្ពុជាកំពុងដើរនៅលើផ្លូវត្រូវ ព្រោះតែពួកគេយល់ឃើញថា កម្ពុជាមានការអភិវឌ្ឍផ្នែកហេដ្ឋារចនាសម្ព័ន្ធ ស្ពាន ថ្នល់ សាលារៀន អណ្ដូង ទឹក កំណើនសេដ្ឋកិច្ច សន្តិភាព និងសេរីភាពក្នុងការដើរហើរជាដើម។

នេះគឺជាលើកទី៣ហើយ ដែលមូលនិធិអាស៊ី បានរៀបចំការស្ទង់មតិថ្នាក់ជាតិស្ដីពីការអភិវឌ្ឍ លទ្ធិប្រជាធិបតេយ្យនៅកម្ពុជា។ ការស្ទង់មតិលើកមុន ត្រូវបានធ្វើឡើងនៅក្នុងឆ្នាំ២០០០ និងឆ្នាំ២០០៣។

យ៉ាងណាក៏ដោយ ខុសពីឆ្នាំ២០១៤ ការស្ទង់មតិនៅឆ្នាំ២០០៣ បង្ហាញថា ពលរដ្ឋ ៨១% យល់ថា កម្ពុជាដើរលើផ្លូវត្រូវ នៅពេលដែលពលរដ្ឋតែ ៩% ប៉ុណ្ណោះ ដែលបានគិតថា កម្ពុជាដើរនៅលើផ្លូវខុស។

ទាក់ទងនឹងការបោះឆ្នោតក្នុងឆ្នាំ២០១៣ វិញ ពលរដ្ឋភាគច្រើនយល់ថា ការបោះឆ្នោតមិនបានប្រព្រឹត្តទៅដោយភាពសេរី និងយុត្តិធម៌ឡើយ។ ពួកគេបានលើកឡើងអំពីការបាត់ឈ្មោះបោះឆ្នោត និងគណៈកម្មាធិការជាតិរៀបចំការបោះឆ្នោតរងឥទ្ធិពលពីគណបក្សនយោបាយ ជាដើម។

យ៉ាងណាក៏ដោយ ការស្ទង់មតិរកឃើញថា មានកត្តាសំខាន់២ ដែលធ្វើឲ្យពលរដ្ឋគាំទ្រកិច្ចព្រមព្រៀងនយោបាយរវាងគណបក្សប្រជាជន កម្ពុជា និងគណបក្សសង្គ្រោះជាតិ កាលពីថ្ងៃទី២២ ខែកក្កដា។ ទី១ ពួកគេគិតថា កិច្ចព្រមព្រៀងនយោបាយនោះ បើកផ្លូវឲ្យមានការធ្វើវិសោធនកម្មរដ្ឋធម្មនុញ្ញ ដើម្បីឲ្យមាន គ.ជ.ប មួយដែលមិនលំអៀង។ ទី២ ដោយសារពួកគេសង្ឃឹមថា គ.ជ.ប ថ្មី នឹងត្រូវបានបង្កើតឡើងនៅមុនការបោះឆ្នោតលើកក្រោយ។

ចំពោះលទ្ធផលនៃការស្ទង់មតិនេះ អ្នកនាំពាក្យអង្គភាពព័ត៌មាន និងប្រតិកម្មរហ័សនៃទីស្ដីការគណៈរដ្ឋមន្ត្រី លោក ទិត សុធា មានប្រសាសន៍ថា លោកមិនអាចធ្វើអត្ថាធិប្បាយទៅលើការស្ទង់មតិនេះទេ ព្រោះលោកថា លោកមិនទាន់បានឃើញរបាយការណ៍ស្ទង់មតិនេះនៅឡើយ។

ក្រៅពីការស្ទង់មតិរបស់មូលនិធិអាស៊ី របាយការណ៍ស្ទង់មតិរបស់វិទ្យាស្ថានសាធារណរដ្ឋអន្តរជាតិ អាយ.អ.អាយ (IRI) កាលពីឆ្នាំ២០១០ បង្ហាញថា ៧៦% នៃពលរដ្ឋខ្មែរយល់ថា រដ្ឋាភិបាលកម្ពុជា ដើរលើផ្លូវត្រូវ។ ទោះយ៉ាងណា ការស្ទង់មតិជាថ្មីរបស់ អាយ.អ.អាយ នៅចុងឆ្នាំ២០១៣ បង្ហាញថា ពលរដ្ឋដែលយល់ថា រដ្ឋាភិបាលដើរលើផ្លូវត្រូវបានធ្លាក់ចុះពី ៧៦% មកត្រឹម ៥៥% វិញ។

តំណាងមូលនិធិអាស៊ីប្រចាំកម្ពុជា លោក ស៊ីឡាស អ៊ីវើរ៉ែត្ត (Silas Everett) បានថ្លែងក្នុងសេចក្តីប្រកាសព័ត៌មាន ថាការស្ទង់មតិបង្ហាញចំណុចកំណែទម្រង់មួយចំនួនដែលពលរដ្ឋពេញចិត្ត ហើយដែលអាចសម្រេចទៅបាន។ លោកមានប្រសាសន៍ថា ដោយសារទំនុកចិត្តរបស់ពលរដ្ឋទៅលើរដ្ឋាភិបាលមានកម្រិតទាប ការធ្វើឲ្យពលរដ្ឋទទួលបានព័ត៌មាន និងការបង្កើនទំនាក់ទំនងបើកចំហរវាងពលរដ្ឋនិងរដ្ឋាភិបាលនឹងញ៉ាំង ឲ្យមានកំណែទម្រង់ក្នុងការិយាធិបតេយ្យរដ្ឋាភិបាល។ លោកថា ដោយសារការបោះឆ្នោតក្រុមប្រឹក្សាឃុំ-សង្កាត់ នឹងរៀបចំឡើងក្នុងឆ្នាំ២០១៧ ហើយការបោះឆ្នោតតំណាងរាស្ត្រនឹងធ្វើឡើងនៅឆ្នាំ២០១៨ លោកថា វាពិតជាមានសារសំខាន់ដែលកម្ពុជា ត្រូវបង្ហាញនូវដំណោះស្រាយ ដើម្បីឆ្លើយតបទៅនឹងក្ដីរំពឹងរបស់ពលរដ្ឋដែលជាម្ចាស់ឆ្នោត៕

ប្រភព អាស៊ីសេរី

អានបន្ត

Thursday, April 17, 2014

ឆ្នាំ«ថ្មី» រំលឹកពីសំដី«គ្មាន»ប្រសិទ្ធិភាពថ្មីៗ របស់នាយករដ្ឋមន្ត្រីកម្ពុជា

4/17/2014 03:22:00 PM

Unknown

តែប៉ុន្មានសប្ដាហ៍មុននេះប៉ុណ្ណោះ ដែលលោក ហ៊ុន សែន នាយករដ្ឋមន្ត្រីកម្ពុជាបានថ្លែងព្រ មានចាត់វិធានការលើមេដឹកនាំគណបក្ស ប្រឆាំង លោក សម រង្ស៊ី ជាពិសេសនៅក្នុងសារព្រមានចុងក្រោយ ថានឹងដាក់ពាក្យបណ្ដឹងប្ដឹងលោក សម រង្ស៊ី ទៅតុលាការឲ្យបានមុនចូលឆ្នាំ។ តែមកដល់ថ្ងៃទី១៧ ខែមេសានេះទៅហើយ ចំណាត់ការនោះដូចជាស្ងាត់ដូច«ចោរ»លួចសេះ។

វិភាគនយោបាយ - ទាំងលោក ហ៊ុន សែន ទាំងលោក សម រង្ស៊ី ទំនងជាបានរីករាយសើចសប្បាយទទួលអំណរឆ្នាំថ្មី យ៉ាងក្អាកក្អាយ ជាពិសេសបន្ទាប់ពីអ្នកនយោបាយទាំងពីរ បានហៅទូរស័ព្ទរកគ្នា កាលពីថ្ងៃទី៩ ខែមេសា កន្លងមកនោះ។ យ៉ាងណាក៏ដោយ ក៏ការប្រកាសចាត់វិធានការរបស់លោកនាយករដ្ឋមន្ត្រី ក្នុងពេលកន្លងមក ប្រែក្លាយជា«សាប» បើគេមើលទៅលើវិធានការជាហូរហែរ ប្រកាសដោយរដ្ឋាភិបាលរបស់លោក និងរូបលោកដោយផ្ទាល់ ជាច្រើនដងមកនោះ។ ពាក្យសម្ដីនិងបទបញ្ជាដែល«សាប»ទាំងនេះ អាចនឹងធ្វើឲ្យមានមន្ទិល ទាក់ទងនឹងប្រសិទ្ធិភាពនៃកំណែទម្រង់«ស៊ីជម្រៅ» របស់រដ្ឋាភិបាលអាណត្តិទីប្រាំ ថាតើវាគួឲ្យជឿជាក់ដល់កម្រិតណា?

ព្រមានលើកទីមួយ៖ លោកហ៊ុន សែន នាយករដ្ឋមន្រ្តីបានលើកឡើង ក្នុងពិធីសម្ពោធដាក់ឲ្យប្រើប្រាស់ទំនប់វារីអគ្គិសនីស្ទឹង អាតៃនៅខេត្ដពោធិ៍សាត់នាពេលថ្មីៗនេះ ដោយព្រមានជាទូទៅថា លោកបើកឱកាសឲ្យមានការបញ្ចេញមតិ ប៉ុន្តែមិនអនុញ្ញាតឲ្យមានការបង្កសង្គ្រាមស៊ីវិលទេ។ លោកថា៖ «បញ្ចេញមតិអ្វីបញ្ចេញទៅ តែកុំនាំគ្នាបង្កើតសង្គ្រាម ព្រោះសង្គ្រាមនេះបើកើតហើយមិនងាយរំលត់ទេ»។តើនរណាទៅ ជាអ្នកបង្កើតសង្គ្រាម បើអ្នកមានអាវុធ អាចធ្វើការបាញ់បោះបាន សុទ្ធតែនៅក្រោមបញ្ជារបស់រដ្ឋាភិបាលរបស់លោក ហ៊ុន សែន នោះ?

ព្រមានលើកទីពីរ៖ នៅក្នុងពិធីចែកសញ្ញាប័ត្រដល់ និស្សិតថ្នាក់ បរិញ្ញាបត្ររង បរិញ្ញាបត្រ និងបរិញ្ញាបត្រជាន់ខ្ពស់ នៃវិទ្យាស្ថានវ៉ាន់ដា នៅថ្ងៃទី៧ ខែមេសា នាមជ្ឈមណ្ឌលសន្និបាត និងពិព័រណ៍កោះពេជ្រ លោក ហ៊ុន សែន នាយករដ្ឋមន្ត្រី ក៏បានព្រមានជាថ្មីទៀតដោយសម្ដីខ្លាំងៗ ចំៗ ទៅលោក សម រង្ស៊ី មេបក្សប្រឆាំងថា លោកនឹងឲ្យមេធាវីរដ្ឋាភិបាលសិក្សាធ្វើពាក្យប្តឹងលោក សម រង្ស៊ី ទៅកាន់សាលាដំបូងរាជធានីភ្នំពេញ ឲ្យបាន«មុនចូលឆ្នាំខ្មែរ»។ លោកថា ល្មមលោក សម រង្ស៊ី គួរបញ្ឈប់ប្រើសារព្រមានធ្វើបាតុកម្ម សម្រាប់ថ្ងៃអនាគតទៅ ហើយមេគណបក្សប្រឆាំង ត្រូវបញ្ឈប់ការពឹងពាក់«ទូតបរទេស»នៅក្នុងបញ្ហាអាសន្នអ្វីមួយនោះ។

ករណីប្តឹងលោក សម រង្ស៊ី ឡើងតុលាការនេះ ត្រូវបានលោក ហ៊ុន សែន ភ្ជាប់រឿងដឹកនាំធ្វើ«បាតុកម្ម» បង្កហិង្សានាពេលកន្លងមក ទៅនឹងការបំពានទៅលើសេចក្តីសំរេច របស់ក្រុមប្រឹក្សាធម្មនុញ្ញកាលពីថ្ងៃទី២២ ខែកក្កដា ឆ្នាំ២០០៣ដែរ ដែលលោក ហ៊ុន សែន និងរដ្ឋាភិបាលរបស់លោក និយាយថា«ត្រូវតែ»មានទោសនោះ។ ពិសេសរឿងមេបក្សប្រឆាំងដឹកនាំធ្វើមហាបាតុកម្មសារជាថ្មី នាថ្ងៃទី២ ខែឧសភាខាងមុខ ដែលមានអ្នកចូលរួម ២លាននាក់នោះ ត្រូវបានលោកនិយាយទៀតថា៖ «ហ្អែងធ្វើបាតុកម្ម មិនបាតុកម្មដូចគ្នាវើយ! អាមួយគាំទ្រ អាមួយប្រឆាំងដាក់គ្នាទៅ។ (...) អារឿងសរសេរសំបុត្រ សរសេរអីទៅព្រះករុណា និងប្រមាថព្រះមហាក្សត្រស្អីៗ ហើយអ្នកច្បាប់ចេញមកនិយាយ ខ្ញុំអបអរ ខ្ញុំទទួល។ ក៏ប៉ុន្តែទោសអ្នកឯង រឿងប្រមាថព្រះមហាក្សត្រអត់ទាន់មានច្បាប់ណាចែងថា មានទោសប៉ុន្មានទេ ប៉ុន្តែទោសអ្នកឯងកុំភ្លេចឲ្យសោះ ប្រឆាំងនឹងក្រុមប្រឹក្សាធម្មនុញ្ញ គឺមានទោស។»។

តែមកដល់ថ្ងៃទី១៧ ខែមេសា ឆ្នាំ២០១៤ វេលាម៉ោង១១ព្រឹកនេះ ការថ្លែងបញ្ជាក់ពីការដាក់ពាក្យបណ្ដឹង ឲ្យបាន«មុន»ចូលឆ្នាំ ដូចជាគ្មានស្រមោលអ្វីបន្ដិចណាសោះ។ នេះបើរាប់ទាំងការព្រមានលើកមុនៗផង ដូចជាថា នឹងទម្លាយឯកសារខ្សែអាត់សំឡេងក្នុងតុចរចារថ្ងៃទី១៧ ខែកញ្ញា នោះ ដើម្បីឲ្យគេឯងដឹងថា លោក សម រង្ស៊ី និយាយយ៉ាងដូចម្ដេច ខាងក្នុងនិងខាងក្រៅ។ មកដល់ពេលនេះ តើឯកសារខ្សែអាត់សំឡេងក្នុងតុចរចារនោះ នៅឯណា?

សម្តីច្រើន តែមិនបានមួយ«ជ្រក់» ឬត្រូវនិយាយពីសមត្ថភាព...

នៅពេលថ្លែងសារជាសាធារណៈទាក់ទងនឹងសំនុំរឿងរសើបៗជាច្រើនឬនិយាយពីគោលនយោបាយ របស់រដ្ឋាភិបាលអាណ្ណត្តិទីប្រាំនេះផង លោក ហ៊ុន សែន បានចំណាយពេលរាប់ម៉ោង ដើម្បីថ្លែងទៅកាន់ប្រជាជាតិ។ ប៉ុន្តែពាក្យសម្ដី ឬគោលនយោបាយដ៏ហូរហៀរ ដែលត្រូវបានស្រែកហ៊ោកញ្ជៀវបន្ទរយ៉ាងក្លៀវក្លាដោយក្រុមអ្នកហែហមផងទាំងនោះប្រៀបបាននឹងស្គប្រហោងក្នុង ដែលមានបរិមាណច្រើន តែមានរសជាតិ«សាប»មិនឆ្ងាញ់ ដូចទៅនឹងអ្វីដែលការអភិវឌ្ឍន៍របស់ប្រទេស តម្រូវឲ្យធ្វើនោះទេ។

ក្នុងនោះ មិនពិបាកទៅមើលឯណាច្រើនទេ គេគ្រាន់តែសម្លឹងមើលការបង្ក្រាបអំពើពុករលួយ យុត្តិធម៌សង្គម គ្រោះថ្នាក់ចរាចរណ៍ ការរំលោភលើដីធ្លី... និងសំនុំរឿងដ៏ក្ដៅមួយចំនួន ដូចយ៉ាងការកាប់បំផ្លាញព្រៃឈើនោះជាដើម។ បើគេចាំមិនភ្លេចទេ លោក ហ៊ុន សែន ធ្លាប់បានអះអាងថា លោកនឹងកាត់ករ បើសិនមានការកាប់បំផ្លាញព្រៃឈើ ឬលោកមិនអាចទប់ស្កាត់ការបំផ្លាញព្រៃឈើបាន។ តែពេលនេះ ព្រៃឈើនៅតែត្រូវបានបន្តការកាប់យ៉ាងរង្គាល ហើយលោក ហ៊ុន សែន និងរដ្ឋាភិបាលរបស់ ក៏មិនមានវិធានការអ្វី រីឯ«ក»របស់លោកកំពុងនៅជាប់នឹងស្មានៅឡើយដែរ។

តាមពិតទៅ ប្រសិទ្ធភាពដែលចេញពីសម្ដីរបស់លោក ហ៊ុន សែន និងរដ្ឋាភិបាលរបស់លោក មានច្រើនណាស់ ហើយពេលខ្លះប្រសិទ្ធភាពបានកើតមានឡើង ដោយមិនចាំបាច់ឲ្យលោក ហ៊ុន សែន និយាយចេញមួយម៉ាត់ផង។ បើគេរំលឹកឡើងវិញត្រួសៗ ពីប្រសិទ្ធិភាពដ៏វិសេសវិសាលទាំងនោះ មានដូចជា ការបង្ក្រាបបាតុកម្ម ការវាយក្បាលក្រុមអ្នកតវ៉ាបែកហូរឈាម ការអនុម័ត្រ និងការអនុវត្តសន្ធិសញ្ញាព្រំដែនជាមួយប្រទេសវៀតណាម ការប្រគល់ដីសម្បទានសេដ្ឋកិច្ចទៅឲ្យក្រុមហ៊ុនឯកជនបូករួមនឹងការសម្ពោធសមិទ្ធិផលមិនស្វាង (ទាំងថ្មីទាំងចាស់ ដូចជាផ្លូវថ្នល់ សាលារៀន...) ជាច្រើនទៀត៕

ប្រភព មនោរម្យ

អានបន្ត

ពលរដ្ឋនៅព្រៃវែងនិងស្វាយរៀងបារម្ភពីការកកស្ទះសាឡាងអ្នកលឿង

4/17/2014 08:42:00 AM

Unknown

ប្រជាពលរដ្ឋមួយចំនួនរស់នៅខេត្តព្រៃវែង និងខេត្តស្វាយរៀង កំពុងតែព្រួយបារម្ភពីការកកស្ទះរថយន្តនៅកំពង់ចម្លងសាឡាងអ្នក លឿងច្រើនម៉ោង ក្នុងដំណើរត្រឡប់ពីស្រុកកំណើតវិញ។ បញ្ហានេះ អាចធ្វើឲ្យពួកគាត់ខកដំណើរពេលត្រឡប់ទៅធ្វើការនៅរាជធានីភ្នំពេញ នៅថ្ងៃទី១៧ មេសា។ ពួកគាត់ថ្លែងដូចនេះ ដោយសារតែថ្ងៃបុណ្យទានកន្លងមក តែងតែកើតមានករណីកកស្ទះរថយន្តជាច្រើនម៉ោងជាបន្តបន្ទាប់មកហើយ។

ក្រុមប្រជាពលរដ្ឋសម្ដែងក្ដីកង្វល់ថា ការកកស្ទះរថយន្តនៅសាឡាងអ្នកលឿងឆ្នាំនេះ អាចនឹងមានកកស្ទះបន្តកន្ទុយគ្នាជាច្រើនម៉ោង មិនខុសពេលមានពិធីបុណ្យទាននៅឆ្នាំមុនៗឡើយ។

ប្រជាពលរដ្ឋម្នាក់ដែលគ្រោងចេញដំណើរទៅរាជធានីភ្នំពេញ កញ្ញា សេង ឆវិន រស់នៅភូមិអំពិល ឃុំសេនារាជឧត្តម ស្រុកព្រះស្ដេច ខេត្តព្រៃវែង ថ្លែងនៅថ្ងៃទី១៦ មេសា ថា កញ្ញាមានការព្រួយបារម្ភខ្លាចខកមិនអាចទៅធ្វើការនៅក្រុងភ្នំពេញ ទាន់ពេល ដោយសារការកកស្ទះសាឡាងនៅកំពង់ចម្លងអ្នកលឿង។

កញ្ញា សេង ឆវិន បន្តថា កន្លងមកការកកស្ទះសាឡាងនៅពិធីបុណ្យទានម្ដងៗ តែងតែកើតមានយ៉ាងហោចណាស់ពី ៣ម៉ោង ទៅ ៦ម៉ោង ទើបអាចឆ្លងសាឡាងទៅត្រើយម្ខាងបាន ជាពិសេស គឺកកស្ទះរថយន្តរបស់អ្នកដំណើរនៅត្រើយខាងកើតតែម្ដង៖ «ស្ទះ ខ្លាំងមែនទែនលោកពូ ព្រោះសាឡាងភាគច្រើនឲ្យម៉ូតូឆ្លងមុន ឡានទុកក្រោយ ពេលដែលឲ្យម៉ូតូឆ្លងអស់ហើយ បានដាក់មួយសាឡាងឡាន បួនប្រាំទៅ។ ដល់អ៊ីចឹង វាកកស្ទះពិបាកធ្វើដំណើរណាស់ម្ដងៗ ពេលចូលឆ្នាំពេលភ្ជុំអី សឹងថាមិនចង់មកផ្ទះទេ កុំថាមកធ្វើបុណ្យធ្វើទាន»។

ចំណែកឯពលរដ្ឋមកពីស្រុកព្រះស្ដេច ម្នាក់ទៀត គឺលោក អ៊ិត ផស្ស ថ្លែងថា នៅថ្ងៃពិធីបុណ្យទានសំខាន់ៗកន្លងមក លោកតែងតែខកដំណើរ ដោយសារការកកស្ទះសាឡាងនៅកំពង់ចម្លងជាច្រើនម៉ោង។ លោកថា ពេលនោះមានរថយន្តកកស្ទះបន្តកន្ទុយគ្នាប្រវែងរាប់គីឡូដីទៀតផង៖ «ជាពិសេស គឺកន្លែងកំពង់ដហ្នឹង មិនទាន់ដល់កំពង់ដមែនទែន គឺស្ទះផ្លូវពីចម្ងាយមក ជួនកាលអាចរាប់គីឡូម៉ែត្រក៏មានដែរបង! អ៊ីចឹងធ្វើខ្ញុំចាំយូរ ហើយធុញ ជួនកាលវាអាចឲ្យយើងខាតពេលវេលាសម្រាប់ឲ្យយើងចង់ទៅហ្នឹង គឺថាចង់ទៅឲ្យទាន់ពេលវេលា ប៉ុន្តែយើងទៅវាស្ទះអ៊ីចឹង ធ្វើឲ្យយើងខកដំណើរបង!»។

រីឯប្រជាពលរដ្ឋមកពីស្រុករមាសហែក ខេត្តស្វាយរៀង វិញ គឺកញ្ញា ចាន់ អារី ថ្លែងថា ពេលបុណ្យទានម្ដងៗ កញ្ញាស្ទើរតែមិនចង់ត្រឡប់មកលេងផ្ទះទេ ព្រោះចរាចរមានការកកស្ទះ ពិបាកក្នុងការធ្វើដំណើរ ជាពិសេស គឺកកស្ទះនៅកំពង់ចម្លងសាឡាងអ្នកលឿងតែម្ដង។ កញ្ញា ចាន់ អារី បន្តថា ការកកស្ទះខកខានដំណើរពេលខ្លះ ដោយសារអាជ្ញាធរប្រចាំការធ្វើចរាចរនៅសាឡាងអ្នកលឿង យកលុយពីរថយន្តអ្នកដំណើរ និងឲ្យរថយន្តនោះបានឆ្លងសាឡាងទៅមុន៖ «ដល់ អ៊ីចឹង អ្នកធ្វើដំណើរអ្នកណានេះអ៊ីចឹង គេជ្រេឲ្យមកមុនអ៊ីចឹងណាស់ចា៎! ដល់អ៊ីចឹង អ្នកដែលអត់បានឲ្យភាគច្រើននៅយឺតយ៉ាវ ជួនកាលខ្លាចថ្ងៃដែលត្រូវទៅធ្វើការហ្នឹង ទៅដល់កន្លែងយប់លោកពូ! ចា៎! យប់ជ្រៅអ៊ីចឹងអត់ហ៊ានទៅកន្លែង ព្រោះអីឡានអត់មានជូនដល់កន្លែងចា៎»។

ឆ្លើយតបនឹងបញ្ហានេះ អភិបាលស្រុកពាមរ លោក សៅ ប្រសិដ្ឋ ទទួលស្គាល់ថា ក្នុងរដូវបុណ្យសំខាន់ៗ ការកកស្ទះសាឡាងអ្នកលឿងពិតជាមានមែន។ លោកថា អាជ្ញាធរបានដាក់កម្លាំងប៉ូលិស និងមន្ត្រីអាវុធហត្ថប្រមាណជាង ៤០នាក់ ដើម្បីជួយសម្រួលដល់ការធ្វើដំណើររបស់ប្រជាពលរដ្ឋ។

លោក សៅ ប្រសិដ្ឋ បញ្ជាក់ថា អាជ្ញាធរមិនបានយកលុយពីប្រជាពលរដ្ឋដើម្បីឲ្យបានរថយន្តចេញទៅមុន នោះទេ គឺការកកស្ទះដោយសារការសម្រុកធ្វើដំណើរត្រឡប់ទៅរាជធានីភ្នំពេញ ច្រើនជាងថ្ងៃធ្វើដំណើរធម្មតា៖ «សាឡាងយើងអត់គ្រាន់ដោយសារគាត់ បុកមកខ្លាំងហ្មង ឧទាហរណ៍លេងៗចុះបាទ ដូចត្រីចុះអ៊ីចឹង មកមួយសាមក គឺគ្មានអីទប់បានទេ។ អត់ដឹងពីខាងនោះទេ មកដឹកយកខាងនេះឲ្យអស់ ជួនកាលឲ្យម៉ូតូហើយកង់៣ ចេញទៅមុនឡានក៏មាន ព្រោះថាស្ទះអីច្រើនជាងយើងមើលតាមហ្នឹង»។

តែយ៉ាងណា ប្រជាពលរដ្ឋឲ្យដឹងថា សំបុត្រឆ្លងសាឡាង អាជ្ញាធរតែងតែយកតម្លៃលើសពីចំនួនកំណត់ ដូចជា សំបុត្រតម្លៃម៉ូតូមួយគ្រឿង ៥០០រៀល តែតម្រូវឲ្យអ្នកដំណើរបង់ ៧០០រៀលជាដើម។ សាឡាងនៅកំពង់ចម្លងអ្នកលឿងដំណើរការចំនួន ៤គ្រឿង គឺទៅ ២ មក ២គ្រឿង។ ការធ្វើដំណើរនៅសាឡាងអ្នកលឿងថ្ងៃចូលឆ្នាំខ្មែរ ថ្ងៃទី១ ថ្ងៃទី២ និងទី៣ ពុំមានការកកស្ទះដំណើរនោះទេ ប៉ុន្តែអាចនឹងស្ទះខ្លាំងប្រមាណ ៤ថ្ងៃ គឺពីថ្ងៃទី១៧ ដល់ថ្ងៃទី២០ មេសា៕

ប្រភព អាស៊ីសេរី http://www.rfa.org/khmer/news/social-economy/people-concern-about-traffic-jam-at-nakleurng-ferry-04162014080735.html

អានបន្ត

ពលរដ្ឋខ្មែរក្រោមត្អូញរឿងបង់លុយច្រើនទៅឲ្យប៉ូលិសព្រំដែន

4/17/2014 08:31:00 AM

Unknown

ប្រជាពលរដ្ឋខ្មែរកម្ពុជាក្រោម ដែលធ្វើដំណើរឆ្លងកាត់ព្រំដែនកម្ពុជា-វៀតណាម ទៅលេងស្រុកកំណើតរបស់ខ្លួនប្រឈមនឹងការបង់កម្រៃក្រៅផ្លូវការ ខ្ពស់។

ប្រជាពលរដ្ឋខ្មែរកម្ពុជាក្រោមមួយចំនួនបានអះអាងនៅថ្ងៃទី១៤ មេសា ថា ពួកគាត់ត្រូវបង់កម្រៃប្រមាណ ១០ម៉ឺនរៀល នៅច្រកទ្វាភ្នំដិន ស្ថិតនៅខេត្តតាកែវ។ ចំណែកឯជនជាតិវៀតណាម វិញ បង់លុយប្រមាណតិចជាង ១ម៉ឺនរៀលប៉ុណ្ណោះ។

ក្រៅពីថ្លៃធ្វើដំណើរបានកើនខ្ពស់នៅឱកាសបុណ្យចូលឆ្នាំ ប្រពៃណីជាតិខ្មែរ ប្រជាពលរដ្ឋដែលធ្វើដំណើរឆ្លងកាត់ព្រំដែនទៅស្រុកកំណើតរបស់ខ្លួន នៅទឹកដីកម្ពុជាក្រោម ក៏ប្រឈមនឹងការបង់កម្រៃក្រៅផ្លូវការខ្ពស់ដែរ។

ប្រជាពលរដ្ឋដែលឆ្លងកាត់ច្រកទ្វាភ្នំដិន ស្ថិតនៅខេត្តតាកែវ ជាប់ព្រំដែនកម្ពុជា-វៀតណាម បានឲ្យដឹងនៅថ្ងៃទី១៤ មេសា ថា ពួកគេបានបង់លុយចន្លោះ ៥ម៉ឺន ទៅ ១០ម៉ឺនរៀល ទៅឲ្យប៉ូលិសនៅច្រកទ្វារទាំងនោះ ដើម្បីឆ្លងកាត់ព្រំដែនទៅកាន់ទឹកដីកម្ពុជាក្រោម។

ប្រជាពលរដ្ឋដែលរស់នៅខេត្តអាងយ៉ាង ដែលសុំមិនឲ្យបញ្ចេញឈ្មោះបានអះអាងថា គ្រួសាររបស់គាត់ត្រូវបង់លុយយ៉ាងច្រើនទៅឲ្យប៉ូលិសនៅច្រកទ្វារ ព្រំដែនភ្នំឌិន ជាថ្នូរនឹងការអនុញ្ញាតឲ្យឆ្លងកាត់ព្រំដែន ដែលការបង់កម្រៃនេះ មិនធ្លាប់មានពីមុនមកឡើយ នៅពេលដែលប្រជាពលរដ្ឋកម្ពុជាក្រោម វិលទៅស្រុកកំណើត នាឱកាសបុណ្យជាតិម្ដងៗ។

លោកបញ្ជាក់ទៀតថា ការធ្វើដំណើរឆ្លងកាត់ព្រំដែនរបស់ជនជាតិវៀតណាមវិញ បានបង់លុយតិចជាងរូបលោក៖ «ប៉ូលិស ខ្មែរយើង អ្នកណាក៏ទារលុយយើងទាំងអស់ អាខ្លះ ៥ម៉ឺន អាខ្លះ ១០ម៉ឺន។ បើយើងមិនឲ្យលុយគេ គេមិនឲ្យយើងចុះ។ វៀតណាម ១០នាក់ អស់តែមួយម៉ឺនលុយខ្មែរទេ។ វៀតណាមគេយក ដើម្បីទប់ទល់សម្រាប់ហូបបាយគេរាល់ថ្ងៃ»។

លោកបានអះអាងទៀតថា ប៉ូលិសព្រំដែនច្រកទ្វារភ្នំដិន តម្រូវឲ្យបង់កម្រៃទាំងនោះដោយសារតែ មិនមានអត្តសញ្ញាណប័ណ្ណ។

ប្រជាពលរដ្ឋម្នាក់ទៀតដែលស្ថិតនៅខេត្តអាងយ៉ាង ដដែល បានឲ្យដឹងបន្ថែមថា ក្រុមគ្រួសាររបស់លោកបានបង់កម្រៃយ៉ាងច្រើនទៅឲ្យប៉ូលិសនៅច្រក ទ្វារព្រំដែនភ្នំដិន ប៉ុន្តែប៉ូលិសព្រំដែនរបស់វៀតណាម វិញ គេមិនទាមទារឲ្យបង់កម្រៃអ្វីឡើយ៖ «វៀតណាម គេស្រួល យើងធម្មតាដើរលេង ចេញម៉ូតូគេមិនសួរយើងទេ ឲ្យយើងពាក់មួកការពារយើងធម្មតាមក»។

ទោះជាយ៉ាងណាក៏ដោយប្រជាពលរដ្ឋដែលចេញចូល ឬធ្វើពាណិជ្ជកម្មនៅតំបន់ព្រំដែនកម្ពុជា- វៀតណាម មិនមានការបង់កម្រៃអ្វីឡើយ ប្រសិនបើមានអត្តសញ្ញាណប័ណ្ណ។ ប្រជាពលរដ្ឋខ្មែរដែលនៅខេត្តផ្សេងដែលអាចឆ្លងកាត់ព្រំដែនបាន លុះត្រាតែមានលិខិតឆ្លងដែន។ ប៉ុន្តែក្នុងករណីដែលមិនមានលិខិតឆ្លងដែនត្រូវបង់កម្រៃប្រមាណ ៦ម៉ឺនរៀល។

ឆ្លើយតបទៅនឹងបញ្ហានេះ ប្រជាពលរដ្ឋកម្ពុជាក្រោម ដែលវិលត្រឡប់ទៅលេងភូមិកំណើតខ្លួននោះ បានអះអាងថា ពួកគេមានលិខិតឆ្លងដែនគ្រប់គ្រាន់ តែប៉ូលិសនៅច្រកទ្វារភ្នំដិន តម្រូវបានបង់លុយដដែលមុននឹងអនុញ្ញាតឲ្យឆ្លងកាត់។

ស្នងការរងនគរបាលខេត្តតាកែវ លោក អ៊ុន សារិន មានប្រសាសន៍ថា លោកមិនដឹងអំពីបញ្ហានេះឡើយ ដោយកិច្ចការនេះ ជាការទទួលខុសត្រូវរបស់អគ្គស្នងការនគរបាលជាតិផ្នែកអន្តោប្រវេសន៍។ យ៉ាងណាក៏ដោយ វិទ្យុអាស៊ីសេរី មិនអាចទាក់ទងអ្នកនាំពាក្យអគ្គស្នងការនគរបាលជាតិ លោក គៀត ច័ន្ទថារិទ្ធ បានឡើយ នៅថ្ងៃទី១៤ មេសា។

សេចក្ដីប្រកាសព័ត៌មានដែលសរសេរនៅលើគេហទំព័រនាយកដ្ឋាន អន្តោប្រវេសន៍នៃអគ្គស្នងការនគរបាលជាតិ បានឲ្យដឹងថា ការពិនិត្យការចេញចូលប្រជាពលរដ្ឋនៅតាមច្រកទ្វារព្រំដែន គឺរក្សាសណ្ដាប់ធ្នាប់ ដោយជៀសវាងការជួញដូរមនុស្ស ថ្នាំញៀន និងជួញដូរអាវុធជាតិផ្ទុះ។ ប៉ុន្តែគេហទំព័រដដែល មិនបានបញ្ជាក់ថា ការឆ្លងកាត់ព្រំដែនរបស់ប្រជាពលរដ្ឋកម្ពុជា ឬជនជាតិដទៃត្រូវបង់កម្រៃនោះទេ៕

ប្រភព អាស៊ីសេរី

អានបន្ត

ម៉ានី ប៉ាក់គីអៅ (Manny Pacquiao) ទទួលបាន ជ័យជំនះដណ្តើម ខ្សែក្រវាត់ របស់ខ្លួនត្រឡប់មកវិញ (Video Inside)

4/17/2014 08:11:00 AM

Unknown

ក្រុងឡាវីហ្គាស៖ កីឡាករប្រដាល់ សកលលំដាប់លេខ១ ពិភពលោក ម៉ានី ប៉ាក់គីអៅ (Manny Pacquiao) បានដណ្តើមខ្សែក្រវាត់ របស់ខ្លួនត្រឡប់មកវិញ បន្ទាប់ពីផ្តួលសត្រូវចាស់ ជនជាតិអាម៉េរិក Bradley ដោយពិន្ទុ នារាត្រីថ្ងៃសៅរ៍ ទី១២ ខែមេសា ឆ្នាំ២០១៤ ចុងសប្តាហ៍នេះ (ម៉ោងនៅកម្ពុជា ១០៖០០ថ្ងៃត្រង់ ថ្ងៃអាទិត្យ) នៅលើសង្វៀនចាស់ដដែលស្ថិតក្នុង ទីក្រុងឡាវីហ្គាស សហរដ្ឋអាម៉េរិក។

ប្រភពព័ត៌មានពី ក្រុមហ៊ុនរៀបចំ ការប្រកួត Top Rank Promotions បានប្រកាសឱ្យដឹង នេះជាលើកទី២ ហើយដែល កីឡាករជើងខ្លាំង លំដាប់ពិភពលោកទាំងពីរ ជួបគ្នាក្នុងការការពារខ្សែក្រ វាត់ស្ថាប័ន WBO ពីសំណាក់ម្ចាស់ ខ្សែក្រវាត់ វ័យ៣០ឆ្នាំ កម្ពស់១.៦៨ម៉ែត្រ Bradley ប្រភេទទម្ងន់ ធ្ងន់៦៩គីឡូក្រាម Welterweight របស់ខ្លួនជាថ្មីម្តងទៀត ប្រឆាំងនឹងកីឡាករ ហ្វីលីពីន វ័យ ៣៥ឆ្នាំ កម្ពស់ ១.៦៩ម៉ែត្រ ម៉ានី ប៉ាក់គីអៅ ។

សូមរំលឹកផងដែរថា កាលពីជំនួបលើកទី១ នាថ្ងៃទី០៩ ខែមិថុនា ឆ្នាំ២០១២ កន្លងទៅ Bradley បានវាយឈ្នះពិន្ទុ ប៉ាក់ គីអៅ ទាំងប្រផិតប្រផើយជាទីបំផុត និងបានយក ខ្សែក្រវាត់កីឡាករ ហ្វីលីពីននេះទៅទាំងស្ថិត ក្នុងភាពចម្រូងចម្រាស់ជា ខ្លាំង និង Timothy Bradley បានរក្សាប្រវត្តិ មិនចាញ់ជាបន្តទៀត ពីប្រវត្តិប្រកួតសរុប ចំនួន ៣១ដង ឈ្នះទាំងអស់ ក្នុង នោះផងដែរធ្លាប់ ផ្តួលគូប្រកួតឲ្យសន្លប់ នៅលើសង្វៀនបាន ចំនួន១២ដង ។ មួយប្រកួតចុងក្រោយ កាលពីថ្ងៃទី ១២ ខែតុលា ឆ្នាំ២០១៣ Bradley បានយកឈ្នះកីឡាករ ម៉ិកស៊ិក ចូអាន ម៉ានូអែលម៉ាកហ្គេស ដោយពិន្ទុ និងការពារខ្សែក្រវាត់ ស្ថាប័ន WBO របស់ខ្លួន បានសម្រេចផងដែរ ។

រីឯសត្រូវចាស់ ប៉ាក់គីអៅ វិញធ្លាប់ប្រកួតបាន ៦២លើក ក្នុងនោះឈ្នះ ៥៥លើក ចាញ់៥ ស្មើ២លើក និងធ្លាប់ផ្តួលដៃគូឱ្យសន្លប់ បានចំនួន៣៨លើក ។ ប្រកួតលើកចុងក្រោយ នៅក្រុងម៉ាកាវ ប្រទេសចិន កាលពីថ្ងៃទី ២៤ ខែវិច្ឆិកា ឆ្នាំ២០១៣ ឈ្នះកីឡាករ អាម៉េរិក ប្រែនដុន រីយ៉ូស ដោយពិន្ទុ ៕

ប្រភព ដើមអំពិល

អានបន្ត

ជួយសង្គ្រោះបាន ១៦៤នាក់, ស្លាប់៣ និងបាត់ខ្លួន ២៩២នាក់

4/17/2014 08:02:00 AM

Unknown

កូរ៉េខាងត្បូង៖ គិតត្រឹមម៉ោង ៦ល្ងាច ថ្ងៃពុធ ទី ១៦ ខែមេសា នេះ ចំនួនអ្នកស្លាប់ ៣ និងកំពុងបាត់ខ្លួន ២៩២នាក់ ព្រមទាំង ជួយសង្គ្រោះបានចំនួន ១៦៤នាក់ ក្នុងករណីលិច កប៉ាល់ដឹកសិស្សវិទ្យាល័យ នៅដែនសមុទ្រ កូរ៉េខាងត្បូង នាព្រឹកថ្ងៃពុធ ទី១៦ ខែ មេសា ឆ្នាំ ២០១៤ នេះបើតាមព័ត៌មាន ស៊ិនហួរផ្សាយឲ្យដឹង ។

អាជ្ញាធរកូរ៉េខាងត្បូងបញ្ជាក់ថា អ្នកស្លាប់ចំនួន៣នាក់នោះ មានសមាជិក នាវិក ភេទស្រីម្នាក់ អាយុ ២២ឆ្នាំ និងសិស្សប្រុស ២នាក់ ។

ជ្ញាធរដែនសមុទ្របានបញ្ជាក់ថា ចំនួនសិស្ស គឺ ៤៥៩នាក់ ដែលស្ថិតនៅលើកប៉ាល់ បានលិចចូលទៅក្នុងសមុទ្រនោះ។

ប្រភព ដើមអំពិល

អានបន្ត

Tuesday, March 11, 2014

យន្ដហោះ នាវាចម្បាំងអាមេរិក ចាប់ផ្ដើមធ្វើសមយុទ្ធជាប់ព្រំដែនរុស្ស៊ី

3/11/2014 11:50:00 AM

Sam

នៅថ្ងៃទី១១មីនា អាមេរិកបានបង្ហាញពីការប្ដេជ្ញាការពារសម្ពន្ធមិត្ដណាតូ របស់ខ្លួននៅជាប់ព្រំដែនប្រទេសរុស្ស៊ី តាមរយៈការធ្វើសមយុទ្ធជាទ្រង់ទ្រាយធំ នៅជាប់ព្រំដែនទាំងនោះ ។ នេះជាការ ធ្វើសមយុទ្ធដំបូងបង្អស់របស់អាមេរិក នៅជាប់ព្រំដែនរុស្ស៊ី ស្របពេលដែល រដ្ឋាភិបាលរុស្ស៊ីប្រកាសគាំទ្រការពារ តំបន់ស្វ័យត្នគ្រីមៀ ។

នៅតំបន់សមុទ្រខ្មៅដែលមានកម្លាំង ទាហានជើងទឹករុស្ស៊ីឈរជើងនៅតំបន់ គ្រីមៀ នាវាចម្បាំងអាមេរិក USS Truxtun បំពាក់កាំជ្រួចមីស៊ីលនាំផ្លូវ ចូលរួមក្នុងការធ្វើសមយុទ្ធជាមួយកម្លាំង ទាហានជើងទឹកប្រទេសរូម៉ានី និង ប៊ុលហ្គារី ។ ចំណែកនៅភាគខាងជើង ប្រទេសប៉ូឡូញ យន្ដហោះចម្បាំងអាមេ រិកកំពុងឆ្ពោះទៅកាន់ទីតាំងទ័ពអាកាស Lask ដើម្បីធ្វើសមយុទ្ធរួមនៅពេលដ៏ខ្លី ខាងមុខ ។ អាមេរិកនិងប៉ូឡូញបាន ប្រកាសថា ការធ្វើសមយុទ្ធនោះ បាន ឡើងគម្រោងជាយូរណាស់មកហើយ មិនពាក់ព័ន្ធនឹងភាពតានតឹងក្នុងតំបន់ គ្រីមៀនោះឡើយ ។ ប៉ុន្ដែសកម្មភាពទាំង នោះ បានបញ្ជាក់ពីការប្ដេជ្ញារបស់អាមេ រិកក្នុងការការពារគ្រប់បណ្ដាប្រទេសម្ពន្ធ មិត្ដណាតូ ក្រោយពេលដែលប្រទេសទាំង នោះបង្ហាញការព្រួយបារម្ភពីការជ្រៀត ជ្រែករបស់រុស្ស៊ីទៅនឹងប្រទេសអ៊ុយក្រែន។

ការធ្វើសមយុទ្ធបានបង្ហាញយ៉ាងច្បាស់ ថា អាមេរិកនៅតែជាប្រទេសនាំមុខក្នុង ប្រតិកម្មរបស់សហគមន៍អន្ដរជាតិទៅ លើប្រទេសរុស្ស៊ីជ្រៀតជ្រែកចូលក្នុង ប្រទេសអ៊ុយក្រែន ។

កន្លងមកប្រធានាធិបតីរុស្ស៊ី វ្ល៉ាឌីមៀ ពូទីន បានបញ្ជាក់ថា ការដាក់បញ្ចូលគ្រីមៀ ស្ថិតក្នុងអធិបតេយ្យភាពរុស្ស៊ី គឺ ជារឿងស្របច្បាប់ ដោយសារតែសកម្ម ភាពទាំងនោះធ្វើតាមបំណងរបស់ពលរដ្ឋ គ្រីមៀតែប៉ុណ្ណោះ មិនមែនជាការបង្ខិតបង្ខំនោះឡើយ ។ ចំណែកលោកខាងលិច ចាត់ទុកថា ការដាក់បញ្ចូលនោះ គឺខុសទៅនឹងច្បាប់អន្ដរជាតិ ៕