lisotsok: បច្ចេក្ខវីជ្ជា

កម្មករនឹងទទួលបានប្រាក់សោធននិវត្តន៍នៅឆ្នាំ ២០១៥(4)

កម្មករនឹងទទួលបានប្រាក់សោធននិវត្តន៍នៅឆ្នាំ ២០១៥

ក្រុមហ៊ុនបញ្ជាទិញអាមេរិកស្នើកម្ពុជាដោះស្រាយប្រាក់ឈ្នួលឲ្យបានឆាប់(3)

ក្រុមហ៊ុនបញ្ជាទិញអាមេរិកស្នើកម្ពុជាដោះស្រាយប្រាក់ឈ្នួលឲ្យបានឆាប់

កីឡាស៊ីហ្គេម(2)

សម្តេចហ៊ុនសែន ចំណាយលុយផ្ទាល់ខ្លួនជាង ៤ សែនដុល្លារ ផ្តល់ជូនកីឡាករ បានមេដាយ ពីកីឡាស៊ីហ្គេម

ការបង្រ្កាបបាតុករនៅផ្លូវវេងស្រេង(1)

កម្មករ ប្រជាពលរដ្ឋ អ្នកលក់ដូរ សិស្សសាលា អ្នករត់ម៉ូតូកង់បីច្រើននាក់ត្រូវស្លាប់និងរងរបួស

Showing posts with label បច្ចេក្ខវីជ្ជា. Show all posts

Tuesday, March 11, 2014

កប៉ាល់នេសាទម៉ាឡេស៊ី១៨០០គ្រឿង នាវិកជាង២ម៉ឺននាក់ ចូលរួមរុករកយន្ដហោះ នៅដែនសមុទ្រ

3/11/2014 11:48:00 AM

Sam

កាលពីយប់ថ្ងៃទី១០មីនា មន្ដ្រីម៉ាឡេស៊ីបានស្នើដល់កប៉ាល់នេសាទប្រមាណ១៨០០គ្រឿងចូលរួមរុករកយន្ដហោះ ប៊ូអ៊ីញ៧៧៧ ដែលបាត់ខ្លួនកាលពីថ្ងៃទី៨ មីនា ។ រដ្ឋមន្ដ្រីក្រសួងកសិកម្មនិងឧស្សាហកម្មម៉ាឡេស៊ី លោក Ismail Sabri Yaakbo បានឱ្យដឹងថា មន្ដ្រីរដ្ឋាភិ បាលម៉ាឡេស៊ីបានស្នើដល់កប៉ាល់នេសាទ ដល់ទៅ១៧៨៨គ្រឿង មកពីរដ្ឋចំនួន៥ តាមឆ្នេរសមុទ្រចូលរួមសកម្មភាពរុក រកយន្ដហោះដែលបាត់ខ្លួន ។

សកម្មភាព ខាងលើក្នុងគោលដៅជំរុញការរុករកឱ្យបានឆាប់បំផុត ។ ក្រុមអ្នកជំនាញក៏បាន រុករក តែមិនទាន់មានលទ្ធផលនៅឡើយ។
រដ្ឋាភិបាលម៉ាឡេស៊ីបានពង្រីកការ រុករកនៅតំបន់សមុទ្រប្រទេសម៉ាឡេស៊ី គ្រាន់បានឃើញវត្ថុចំឡែក ឬបំណែក យន្ដហោះដែលបានបាត់នោះ។ ម៉ាឡេស៊ី នឹងបង្កើនបរិវេណរុករកបន្ថែម ១៨៥ គីឡូម៉ែត្រទៀត ហើយបើនៅតែមិន មានតម្រុយនឹងបន្ដពង្រីកទីតាំងរុករកបន្ថែម ។

ក្នុងពេលជាមួយគ្នានេះអាមេរិកបាន បញ្ជូននាវាចម្បាំងទី២ទៅកាន់តំបន់ ប្រទេសចិនភាគខាងត្បូងរុករកយន្ដហោះបាត់ខ្លួន ។ នាវាចម្បាំងប្រភេទ USS Kidd ចូលរួមក្នុងសកម្មភាព ក្រោយពេលមន្ដ្រីម៉ាឡេស៊ីប្រកាសពង្រីកទីតាំងរុករក ។ នាវារបស់អាមេរិកបានបំពាក់ កាមេរ៉ាទំនើបដែលអាចត្រួតពិនិត្យមើល ទាំងពេលយប់និងពេលថ្ងៃបានយ៉ាងល្អ ។

លទ្ធផលស្រាវជ្រាវពីប្រេងអណ្ដែត លើដែនសមុទ្របង្ហាញឱ្យឃើញថា ប្រេងទាំងនោះមិនមែនជារបស់យន្ដហោះដែលបាត់ខ្លួននោះឡើយ ។ មន្ដ្រីម៉ាឡេស៊ីក៏ មិនបានរកឃើញវត្ថុណាមួយដែលសង្ស័យ ថាជាបំណែកយន្ដហោះនោះឡើយ ។

ការស្រាវជ្រាវរបស់ក្រុមជំនាញ ម៉ាឡេស៊ីបានបញ្ជាក់ថា យន្ដហោះដែល បាត់ខ្លួនខាងលើ ក៏អាចជាស្នាដៃក្រុមភេរវកម្ម ក្រុមជំនាញប្លន់យន្ដហោះ ទើបមិនបន្សល់ទុកស្លាកស្នាមសញ្ញាណា មួយក្នុងការរុករក ។

ក្រុមសាច់ញាតិដែលមានអ្នកដំណើរ នៅលើយន្ដហោះនោះបង្ហាញអារម្មណ៍ ខឹងសម្បាយ៉ាងខ្លាំងរហូតមកដល់ពេល នេះយន្ដហោះបានបាត់ខ្លួន៤ថ្ងៃមក ហើយ ប៉ុន្ដែនៅតែមិនទាន់រកឃើញ តម្រុយណាមួយ។ ចំណុចទាំងនោះហើយ បានបង្ហាញយ៉ាងច្បាស់ថា បច្ចេកវិទ្យា នៅលើពិភពលោកក្នុងការតាមដាន វត្ថុចំឡែកហោះហើរលើដែនអាកាស ដូចជាគ្មានន័យ គ្មានប្រយោជន៍ទាល់តែ សោះ បានត្រឹមតែការអួតអាងប៉ុណ្ណោះ ដោយសូម្បីតែយន្ដហោះបាត់ខ្លួន៤ថ្ងៃមក ហើយនៅតែមិនអាចរកឃើញ ។

ពិភពលោកបន់ស្រន់ដល់យន្ដហោះ ម៉ាឡេស៊ីដែលបានបាត់ខ្លួន។ ពលរដ្ឋដែល បានតាមដានព្រឹត្ដិការណ៍បាត់យន្ដហោះ បានរួមគ្នាធ្វើពិធីបន់ស្រន់មួយដល់អ្នក ដំណើរនិងយន្ដហោះបាត់ខ្លួន សូមឱ្យអ្នក ទាំងនោះមានសេចក្ដីសុខ ។ ប្រទេស ជាង៩បានចូលរួមរុករក ប៉ុន្ដែនៅតែគ្មាន លទ្ធផលជាវិជ្ជមាននោះឡើយ ។

នៅក្នុងព្រឹត្ដិការណ៍ដែលពាក់ព័ន្ធនោះ ដែរ អនុប្រធាននៃក្រុមហ៊ុនអាកាសចរ ម៉ាឡេស៊ីអ៊ែឡាញបានប្រកាសថា នឹង ផ្ដល់ជំនួយដល់សាច់ញាតិអ្នកដំណើរលើ យន្ដហោះប្រមាណ៥ពាន់ដុល្លារ ។ នៅ ពេលនេះសាច់ញាតិអ្នកដំណើរជនជាតិ ចិន បានត្រៀមលក្ខណៈទៅកាន់ទីក្រុង កូឡាឡំពួរ ហើយរាល់ការចំណាយក្នុង រយៈពេល១សបា្ដហ៍ដែលក្រុមសាច់ញាតិ បានកំពុងរង់ចាំក្រុមហ៊ុនជាអ្នកចំណាយ។ អ្នកខ្លះក៏រង់ចាំដំណឹងនៅអាកាសយានដ្ឋាន ក្រុងបេកាំង ហើយខ្លះទៀតក៏បានធ្វើ ដំណើរមកកាន់អាកាសយានដ្ឋានកូឡាឡំពួរ ។

ព័ត៌មានជាច្រើនបានបញ្ជាក់ថា យន្ដហោះនោះរងការវាយប្រហារ ប៉ុន្ដែការ ស្រាវជ្រាវរបស់អ្នកឯកទេសទាំងមកពី អឺរ៉ុបនិងអាស៊ី ក៏មិនទាន់អាចសន្និដ្ឋានពីមូលហេតុច្បាស់លាស់នៅឡើយ ៕

ប្រភពៈ នគរវត្ត

អានបន្ត

ចិនប្រើប្រាស់ផ្កាយរណបចំនួន១០ស្វែងរកយន្ដហោះម៉ាឡេស៊ីបាត់ខ្លួន

3/11/2014 11:46:00 AM

Sam

នៅព្រឹកថ្ងៃទី១១ ខែមីនា ផ្កាយរណបចំនួន១០គ្រឿងរបស់ចិនដែលមានបច្ចេក វិទ្យាទំនើបបានត្រួតពិនិត្យនៅគ្រប់ច្រក ល្ហកក្នុងតំបន់សមុទ្រចិនខាងកើតស្វែង រកតម្រុយយន្ដហោះម៉ាឡេស៊ីដែលបាត់ ខ្លួនកាលពីថ្ងៃទី៨ ខែមីនា ។

សារព័ត៌មានម៉ាឡេស៊ីបានដកស្រង់ ប្រភពព័ត៌មានពីកម្លាំងទាហានបដិវត្ដន៍ ប្រជាជនចិន PDA បានឱ្យដឹងថា មជ្ឈមណ្ឌលត្រួតពិនិត្យ និងតាមដានតាមប្រព័ន្ធផ្កាយរណបបានចាប់ផ្ដើមបញ្ជាប្រព័ន្ធផ្កាយរណបចំនួន១០គ្រឿងផ្ដោត ទៅលើការរុករកយន្ដហោះម៉ាឡេស៊ី បាត់ខ្លួននៅតំបន់សមុទ្រចិនខាងត្បូង ។

សារព័ត៌មានស៊ីនហួបានផ្សព្វផ្សាយថា មជ្ឈមណ្ឌលត្រួតពិនិត្យបានផ្អាក សកម្មភាពតាមដានអាកាសធាតុប្រព័ន្ធ ទំនាក់ទំនងផ្សេងៗដោយបង្វែរកម្មវិធី ទាំងអស់នោះទៅជាការរុករកតាមរយៈ រូបភាពទៅវិញ ។

កាលពីយប់ថ្ងៃទី១០ ខែមីនា គណៈ ប្រតិភូចិនបានទៅដល់ទីក្រុងគូឡាឡាំពួរ ជួយដល់ម៉ាឡេស៊ីរុករកយន្ដហោះ និង ជួយដល់គ្រួសារអ្នកដំណើរចិនដែលបាត់ ខ្លួន ។ ពលរដ្ឋចិនធ្វើដំណើរនៅលើយន្ដ ហោះសរុប១៥៤នាក់ ក្នុងចំណោម២៣៩ នាក់បាត់ខ្លួនពេលហោះហើរដល់តំបន់ សមុទ្រម៉ាឡេស៊ី និងវៀតណាម ។

រដ្ឋាភិបាលចិនបានជំរុញឱ្យម៉ាឡេស៊ី បង្កើនការរុករកឱ្យបានឆាប់បំផុត ។ អ្នកនាំពាក្យក្រសួងការបរទេសចិនបានឱ្យ ដឹងថា “យើងសង្ឃឹមថា ម៉ាឡេស៊ីនឹង យល់ពីស្ថានភាពរបស់ចិន ពិសេសគឺ សាច់ញាតិអ្នកដែលបាត់ខ្លួន ដោយ បង្កើនការរុករក ។ ការបាត់ខ្លួននោះគឺ នៅលើយន្ដហោះក្រុមហ៊ុនម៉ាឡេស៊ី អ៊ែរ ឡាញ ដូច្នេះម៉ាឡេស៊ីជាអ្នកទទួលខុសត្រូវ ៕

ប្រភពៈ នគរវត្ត

អានបន្ត

Tuesday, February 11, 2014

សម័យគេចាយតាម ATM!

2/11/2014 09:19:00 AM

Unknown

ទូ ATM ដ៏ច្រើនស្អេកស្កះត្រូវបានគេយកទៅដំឡើងនៅមជ្ឈមណ្ឌលពាណិជ្ជកម្ម មួយនៅចំកណ្ដាលរាជធានីភ្នំពេញ ដើម្បីឲ្យអតិថិជនអាចដកប្រាក់តាមតម្រូវការ។ ដោយសារតែភាពងាយស្រួលក្នុងការដកចាយវាយបានគ្រប់ពេលវេលា គ្រប់ទីកន្លែងប្រកបដោយសុវត្ថិភាព ការប្រើសេវា ATM ត្រូវគេមើលឃើញកំពុងទទួលការពេញនិយមក្នុងចំណោមពលរដ្ឋកម្ពុជា ហើយបណ្តាស្ថាប័នរដ្ឋនិងឯកជនជាច្រើន ក៏បានងាកមកប្រើប្រាស់សេវាកម្មនេះដើម្បីបើកប្រាក់ខែដល់ បុគ្គលិកនិងមន្រ្តីរបស់ខ្លួននោះដែរ។

ប្រភព សប្បាយ

អានបន្ត

Tuesday, December 24, 2013

Jailbreak iOS 7.x.x បានហើយ បញ្ចុះតម្លៃ 50%

12/24/2013 08:19:00 AM

Unknown

ភ្នំពេញ៖ ប្រព័ន្ធប្រតិបត្តិការ iOS 7.x.x ដែលដំណើរការនៅលើទូរស័ព្ទ iPhone 5, iPhone 5s និង iPad 4 នៅ ពេលនេះអាច Jailbreak បានហើយ ដោយពីកូនខ្មែរiFix ។ កាន់តែពិសេសទៀតនោះការ Jailbreak នេះ បញ្ចុះ តម្លៃរហូតដល់ 50% សូមប្រញាប់រុះរាន់ចំពោះឱកាសដ៏ពិសេសមិនធ្លាប់មាននេះ។តំណាងកូនខ្មែរ iFix លោក ជូន សុវណ្ណវាសនា បានថ្លែងថា ការទន្ទឹងរង់ចំារបស់អ្នកប្រើប្រាស់ទូរស័ព្ទ iPhone 5 លែងមានក្តីបារម្ភពីបញ្ហា នៃការប្រើប្រាស់ប្រព័ន្ធប្រតិបត្តិការរបស់ Version iOS 7.x.x នៅលើ ទូរស័ព្ទ iPhone 5, iPhone 5s, iPad 4 ទៀតហើយ ព្រោះពេលនេះ ក្រុមហ៊ុនកូនខ្មែរ iFix intertional Co,. LTD អាច Jaibreak ដោយជោគជ័យ។

លោក ជូន សុវណ្ណវាសនា បានបន្តថា ពីមុនការប្រើប្រាស់កម្មវិធីផ្សេងៗ នៅលើទូរស័ព្ទដៃ នឹងការប្រើប្រាស់អក្សរ ខែ្មរជាមួយនឹង Version iOS 7 អាចដំណើរការបានស្រួល ប៉ុន្តែសម្រាប់ពុម្ពអក្សរខ្មែរវិញ នៅមានបញ្ហាខ្លះ ដោយ Developer កំពុងតែធ្វើបន្ថែមទៀត ដើម្បីសម្រួលការប្រើប្រាស់ទូរស័ព្ទ iPhone 5, iPhone 5s, iPad 4 Version iOS 7។

ដើម្បីបញ្ចប់នូវក្តីកង្វល់ទាំងអស់នេះ ក្រុមហ៊ុនកូនខ្មែរ iFix intertional Co,. LTD បានស្វែងរកនៅគនឹ្លះក្នុងការ Jailbreak បានដោយជោគជ័យ។ លោក ជួន សុវណ្ណវាសនា បានឲ្យដឹងផងដែរថា ក្រៅពីការ Jailbreak ដោយ ជោគជ័យ កូនខ្មែរ IFix ក៏មានកម្មវិធីថ្មីៗជាច្រើន សម្រាប់អ្នកដែលចូលលេងនូវកម្មវិធីបែ្លកៗ ព្រមទាំងចង់ស្វែង យល់ឲ្យកាន់តែច្បាស់ពី Version ចុងក្រោយបង្អស់របស់ក្រុមហ៊ុន Apple។

ជាពិសេសនោះ ជាមួយឱកាសរកឃើញនូវគន្លឹះ Jailbreak នេះ កូនខ្មែរ IFix បញ្ចុះតម្លៃរហូតដល់ 50% ចំពោះ អតិថិជនក្នុងយុគសម័យស៊ីវិល័យប្រើប្រាស់ផលិតផលក្រុមហ៊ុន Apple ទាំងអស់។

សូមបញ្ជាក់ក្រុមហ៊ុនកូនខ្មែរ iFix បានប្តូរទីតាំងថ្មី គឺស្ថិតនៅខាងលិច នៃវិទ្យាល័យឥន្រ្ទទេវី សម្រាប់ព័ត៌ មានលម្អិត៖ 097 22222 12 , 093 71 9999, 070 2 1111 4, 010 3000 10 ឬ Page Facebook : https:// www.facebook.com/iFixinternational ឬគេហទំព័រ៖ http://ifixineed.com/៕

ប្រភព ដើមអំពិល

អានបន្ត

Monday, December 23, 2013

ATMOSPHERE បង្កើតកម្មវិធី កុំព្យូទ័រ ទំនើប សម្រាប់គ្រប់គ្រង លើមុខរបរ កម្ចីប្រាក់ ឬឥណទាន ឬចងការប្រាក់ គ្រប់ប្រភេទ

12/23/2013 11:54:00 AM

Unknown

ATMOSPHERE TECHNOLOGY Co.,Ltd. បានបង្កើត កម្មវិធីកុំព្យូទ័រថ្មី ដែលមាន លក្ខណ:ទំនើប មានគុណភាព និង មានសម្ថភាពខ្ពស់ សម្រាប់គ្រប់គ្រង លើមុខរបរកម្ចីប្រាក់ ឬឥណទាន គ្រប់ប្រភេទឈ្មោះថា (Loan Management System ) ដោយលក់ជូន លោកអ្នក ក្នុងតម្លៃទាប សមរម្យបំផុត តាមទំហំ និងកម្រិតនៃតម្រូវការ ប្រើប្រាស់របស់ ស្ថាប័នលោកអ្នក ។

កម្មវិធីនេះអាចជួយដល់អង្គការ សមាគម ក្រុមហ៊ុន គ្រឹះស្ថានមីក្រូហិរញ្ញវត្ថុ ឬអាជីវកម្ម ឯកជនដែលធ្វើសម្មភាពឥណទាន កម្ចី ឬចងការប្រាក់គ្រប់ប្រភេទ ទាំងមាន ឬគ្មានទ្រព្យបញ្ជាំ ទោះបីជាមានសាខាតិច ឬច្រើនកន្លែងក៏ដោយ រីឯតម្លៃក៏ប្រែប្រួល ទៅតាមនោះដែរ ។ ATMOSPHERE ជាក្រុមហ៊ុនវិនិយោគរួមគ្នារវាងខ្មែរ និង បរទេស មានវិស្វករបច្ចេកទេសខ្មែរ និង បរទេសជាច្រើនបានបង្កើតកម្មវិធីកុំព្យូទ័រជាលក្ខណ:អន្តរ ជាតិជាច្រើនសម្រាប់លក់នៅទីផ្សារអាស៊ី អឺរុប និងអាមេរិច។

សូមទាក់ទង អាសយដ្ឋានអគារលេខ២ ផ្លូវលេខ២៨៤ កែងផ្លូវលេខ១៦៣ សង្កាត់អូឡាំពិច ខណ្ឌចំការមន រាជធានីភ្នំពេញ ជាប់កែងខាងត្បូងវត្តមហាមន្ត្រី លេខទូរស័ព្ទ (855) 023 97 70 70,017 888 987 អ៊ីម៉ែល info@atmos-techno.com។
អត្ថប្រយោជន៍របស់ កម្មវិធីគ្រប់គ្រងធនធានមនុស្ស(Loan Management System ) រួមមាន៖
១-Setup (ការកំណត់ទូទៅ) ៖ ការកំណត់រូបិយប័ណ្ណ និងអត្រាប្ដូរប្រាក់ កំណត់ចំនួនទីកន្លែង កំណត់ថ្ងៃឈប់សំរាក ព័ត៌មានរបស់បុគ្គលិក គោលបំណងនៃកម្ចី ទីតាំង តំបន់ផ្ដល់កម្ចី មុខតំណែង
ចំនួនអ្នកប្រើប្រាស់ វិធីសាស្រ្តនៃការបង់ប្រាក់ (បង់ប្រាក់ដើមថេរ និងការប្រាក់ថយចុះ បង់ប្រាក់ដើមថេរ និង ការប្រាក់ថេរ) លក្ខខ័ណ្ឌនៃការបង់ប្រាក់ ការពិន័យ(ការបង់ប្រាក់យឺត ការបង់ប្រាក់ផ្ដាច់)។
២- Customer(អំពីអតិថិជន)៖ ការកត់ត្រាព័ត៌មានអតិថិជន ការបង្កើតក្រុម(ការបញ្ចូលសមាជិកក្រុម ព័ត៌មាននៃអ្នកធានា ឯកសារយោង….)

៣- Loan Disbursement(អំពីការផ្ដល់កម្ចី)៖ កម្ចីជាឯកត្តបុគ្គល កម្ចីជាក្រុម ការពន្យាពេលនៃការបង់ប្រាក់លើកដំបូង គណនាប្រាក់ដើម និងការប្រាក់ និងពេលវេលាបង់ប្រាក់……។
៤-Repayment term (អំពីលក្ខខ័ណ្ឌនៃការបង់ប្រាក់)៖ ការបង់ប្រាក់ប្រចាំថ្ងៃ ឬប្រចាំ២ថ្ងៃម្ដង ឬបង់១សប្ដាហ៍ ឬ២សប្ដាហ៍ ឬ៣សប្ដាហ៍ម្ដង ឬ១ខែម្ដង ឬ ៣ខែម្ដង ឬ ៦ខែម្ដង ឬបង់ប្រចាំ១ឆ្នាំ។
៥-Payment (អំពីការបង់ប្រាក់)៖ ការបង់ប្រាក់តាមតារាងពេលវេលាបង់ប្រាក់ ការបង់ប្រាក់ផ្ដាច់…។
៦-Inventory (Office Supply) អំពីសន្និធិ ៖ បញ្ជីរាយមុខទំនិញ ការបង្កើតក្រុមទំនិញ រង្វាស់រង្វាល់ទំនិញ ការកែប្រែបរិមាណ វិធីសាស្រ្តគណនាថ្លៃដើមមធ្យម ។
៧-Inventory report(របាយការណ៍សន្និធិ)៖ របាយការណ៍ទំនិញក្នុងស្ដុក របាយការណ៍កែប្រែទំនិញក្នុងស្តុក ។
៨-Accounting report (របាយការណ៍គណនេយ្យ)៖កិច្ចបញ្ជីការគណនេយ្យ(ទិន្នានុប្បវត្តិ) សៀវភៅធំទូទៅ តារាងតុល្យភាព ……។
៩-Financial report (របាយការណ៍ហិរញ្ញវត្ថុ)៖ របាយការណ៍ចំណូល និងចំណាយរបាយការណ៍ សមតុល្យ……។
១០-Get Reference Document អំពីការដកឯកសារយោង ។
១១-Report(អំពីរបាយការណ៍)៖របាយការណ៍ផ្ដល់កម្ចី(របាយការណ៍ផ្ដល់កម្ចីតាមថ្ងៃ ផ្ដល់កម្ចីតាម មន្ត្រីឥណទាន ផ្ដល់កម្ចីតាមអតិថិជន ឬក្រុម តារាងពេលវេលាបង់ប្រាក់ អតិថិជនត្រូវបង់ប្រាក់ តាមថ្ងៃ ឬខែ អតិថិជនបង់ប្រាក់តាមមន្ត្រីឥណទាន ប្រវត្តិសងប្រាក់របស់អតិថិជន អតិថិជន មិនទាន់បង់ប្រាក់ អតិថិជនមិនទាន់បង់ប្រាក់តាមមន្រ្តីឥណទាន អតិថិជនបង់ប្រាក់យឺត អតិថិជន បង់ប្រាក់យឺតតាមមន្ត្រីឥណទាន) របាយការណ៍ចំណូលការប្រាក់ របាយការណ៍ដកឯកសារយោង ។
១២-ការបង្ហាញទំរង់ និងរបាយការណ៍ ៖ រួមមានជាទម្រង់ Ms Word ទម្រង់Ms Excel ទម្រង់PDF…។
១៣-Security(អំពីប្រព័ន្ធសុវត្ថិភាព)៖កំណត់ព័ត៌មានអ្នកប្រើប្រាស់ កំណត់តួនាទីអ្នកប្រើប្រាស់ កំណត់សិទ្ធអ្នកប្រើប្រាស់……។
១៤-Languages(អំពីភាសា)៖ មានជាភាសាអង់គ្លេស ភាសាខ្មែរ ភាសាអង់គ្លេសលាយខ្មែរ និងភាសា នានាតាមការចង់បានរបស់លោកអ្នក ។
១៥-និងពត៌មាន ឬលក្ខខណ្ឌបន្ថែមនានាមួយចំនួនទៀតតាមតម្រូវការរបស់លោកអ្នក ។
ក្រៅពីនេះ ATMOSPHERE មានកម្មវិធីកុំព្យូទ័រដែលបានផលិតជោគជ័យរួចរាល់កន្លងមកទទួលបានការគាំទ្រពេញនិយម និងជឿជាក់ពីក្រុមហ៊ុន រោងចក្រ អង្គការ សមាគមនានា ក្នុងប្រទេស និងក្រៅប្រទេសរួមមាន៖ការរចនាគេហទំព័រ (Web Design) កម្មវិធីគ្រប់គ្រងការទំនាក់ទំនងអតិថិជន (Customer Relation Management System) កម្មវិធីគ្រប់គ្រងបណ្តាញទីផ្សារ (Network Marketing System) កម្មវិធីគ្រប់គ្រងកន្លែងជួសជុលរថយន្ត(Car Garage Systemម្មវិធីគ្រប់គ្រងវិក្កយបត្រ (Billing Management System) កម្មវិធីគ្រប់គ្រងការលក់ និងស្តុកទំនិញ(Point of Sales System( កម្មវិធីគ្រប់គ្រងគណនេយ្យ និងហិរញ្ញវត្ថុ (Financial and Accounting System) កម្មវិធីគ្រប់គ្រងភោជនីយដ្ឋាន ក្លឹបរាត្រី ខារ៉ាអូខេ (Restaurant, Club, Karaoke Management Systems)កម្មវិធីគ្រប់គ្រងហាងលក់ទូរស័ព្ទដៃ(Phone Shop Management System) និងកម្មវិធីដទៃទៀតតាមតម្រូវការរបស់លោកអ្នក។

គ្រប់កម្មវិធីកុំព្យូទ័ររបស់ATMOSPHERE សុទ្ធតែផលិតដោយវិស្វករបច្ចេកទេសខ្មែរ និង បរទេសរបស់ក្រុមហ៊ុនផ្ទាល់ ក្រុមហ៊ុនមានក្រុមប្រឹក្សាបច្ចេកទេសច្រើននាក់ និងសាកល វិទ្យាល័យល្បីនៅប្រទេសអង់គ្លេសចំនួន៣ ជាអ្នក ប្រឹក្សាបច្ចេកទេស ក្រុមហ៊ុនធានាថាគ្រប់កម្មវិធីកុំព្យូទ័ររបស់ATMOSPHEREពិតជាមានគុណភាពល្អ ជាបច្ចេកវិទ្យា ទំនើបថ្មីចុងក្រោយ មានសេវាកម្មដោះ ស្រាយគ្រប់បញ្ហានានាទាំងអស់ទាន់ចិត្ត ។ មិនតែប៉ុណ្ណោះ ATMOSPHERE មានសមត្ថភាពគ្រប់គ្រាន់ក្នុងសរសរកម្មវិធីកុំព្យូទ័ នៃគម្រោងធំៗ របស់ក្រសួង ស្ថាប័ន អង្គការ សមាគម ក្រុមហ៊ុន រោងចក្រ សហគ្រាសនានា ប្រសិនបើលោកអ្នកត្រូវការ។

ប្រភព ដើមអំពិល

អានបន្ត

Wednesday, December 4, 2013

ចង្កៀងប្រើពន្លឺព្រះអាទិត្យ Panasonic បំភ្លឺតំបន់ដែលមានហេដ្ឋារចនាសម្ព័ន្ធផ្នែកអគ្គិសនី នៅមានកម្រិត

12/04/2013 09:08:00 AM

Unknown

ខេត្តសៀមរាប: ដោយត្រូវបានបង្កើតឡើង ដើម្បីដោះស្រាយ បញ្ហាអស្ថិភាពនៃការផ្គត់ផ្គង់អគ្គិសនីក្នុងលក្ខណៈជាបាតពីរ៉ាមីត (BOP) ចង្កៀងប្រើពន្លឺព្រះអាទិត្យ របស់ក្រុមហ៊ុនប៉ាណាសូនិច (Panasonic) អាចបង្កើត ផ្ទុក និងប្រើប្រាស់ថាមពលពន្លឺព្រះអាទិត្យបាន យ៉ាងមានប្រសិទ្ធភាព។ បន្ទះផ្ទុកពន្លឺព្រះអាទិត្យចំនួន ៣.៥ វ៉ាត់ និងថ្មដែលអាចសាកបាននៅក្នុងបន្ទះនោះផ្ទាល់ បានធ្វើឲ្យចង្កៀងនេះអាចបង្កើត និងផ្ទុកថាមពលកកើតឡើងវិញនៅពេលថ្ងៃ។ វាបង្កើនពន្លឺទ្វេដង និងប្រភពថាមពលនៅពេលយប់ ដែលមានសមត្ថភាពបន្ថែមក្នុងការសាកថ្មឧបករណ៍ចល័តខ្នាតតូច ដូចជា ទូរស័ព្ទចល័ត តាមរយៈ USB port។

ចង្កៀងប្រើពន្លឺព្រះអាទិត្យចំនួន ២.៥០០ គ្រឿង ត្រូវបានផ្តល់ជាជំនួយដល់ស្ថាប័នសង្គមចំនួនប្រាំបួន នៅក្នុងប្រទេសកម្ពុជា - ការិយាល័យអង្គការ UNESCO ប្រចាំទីក្រុងភ្នំពេញ សមាគមផ្តល់ជំនួយដល់ ការសិក្សានៅក្នុងប្រទេសកម្ពុជា (Association of School Aid in Cambodia) មូលនិធិជំនួយអប់រំកម្ពុជា (Cambodia Education Assistance Fund) អង្គការគាំពារយុវជនខ្មែរ (Caring for Young Khmer) គម្រោងកាម៉ូណូហាស៊ី (Kamonohashi Project) សហព័ន្ធអន្តរជាតិនៃសមាគមអង្គការកាកបាទក្រហម និងអឌ្ឍចន្ទក្រហម (International Federation of Red Cross and Red Crescent Societies) ការិយាល័យប្រចាំប្រទេសកម្ពុជា ក្រុមការងារគាំទ្រចម្រុះដើម្បីការអភិរក្សអង្គរ និងអភិវឌ្ឍសហគមន៍ (Joint Support Team for Angkor Preservation and Community Development) អង្គការជីវិតថ្លៃថ្នូរ (LIFE WITH DIGNITY) និងសេវាដើម្បីសុខភាពនៅក្នុងតំបន់អាស៊ី និងអាហ្វ្រិក (Services for the Health in Asian and African Regions)។ គំនិតផ្តួចផ្តើមនេះត្រូវបានបញ្ជាក់ថាជាគម្រោងមួយនៃការគម្រប់ខួប លើកទី ៦០ នៃមិត្តភាពរវាងប្រទេសជប៉ុន និងប្រទេសកម្ពុជា ដោយស្ថានទូតជប៉ុន និងស្ថិតនៅក្រោម “គម្រោងចង្កៀងប្រើពន្លឺព្រះអាទិត្យចំនួន ១០០ ពាន់គ្រឿង” ទូទាំងសកលលោករបស់ក្រុមហ៊ុន Panasonic។

ចង្កៀងដែលត្រូវបាន ផ្តល់ជាជំនួយដល់អង្គការ UNESCO នឹងត្រូវបានប្រគល់ជូនបន្តទៅកាន់អាជ្ញាធរអប្សរា (អាជ្ញាធរដើម្បីការការពារ និងគ្រប់គ្រងអង្គរ និងតំបន់នៅក្នុងខេត្តសៀមរាប) ដើម្បីចែកជូនដល់អ្នកភូមិទាំងឡាយនៅក្នុងតំបន់អង្គរ។

Anne Lemaitre ប្រធានការិយាល័យ និងតំណាងអង្គការ UNESCO ប្រចាំទីក្រុងភ្នំពេញ ប្រទេសកម្ពុជា បានបញ្ចេញយោបល់ថា “ការផ្តល់ជំនួយជាចង្កៀងប្រើពន្លឺព្រះអាទិត្យដល់ការិយាល័យអង្គការ UNESCO ឆ្លុះបញ្ចាំងអំពីការបន្តភាពជាដៃគូយុទ្ធសាស្ត្ររវាងអង្គការ UNESCO និងក្រុមហ៊ុន Panasonic ជាពិសេស ចំពោះការប្រើប្រាស់បច្ចេកវិទ្យាដើម្បីរួមចំណែកដល់សង្គម។ តាមរយៈកិច្ចសហការ និងការបង្កើតថ្មីនេះ យើងអាចធ្វើការរួមគ្នាដើម្បីឆ្ពោះទៅកាន់ការថែរក្សាបរិស្ថាន និងវប្បធម៌”។

នៅខែមីនា ឆ្នាំ២០១២ ក្រុមហ៊ុន Panasonic បានផ្តល់ជំនួយជាចង្កៀងប្រើពន្លឺព្រះអាទិត្យចំនួន ២.០០០ គ្រឿង សម្រាប់ប្រើប្រាស់នៅក្នុងវិស័យនានា ដូចជា ការថែទាំសុខភាព ការអប់រំ និងអាជីវកម្មខ្នាតតូចនៅក្នុងប្រទេសកម្ពុជា។ នេះគឺជាគម្រោងសាកល្បងមួយ ក្នុងចំណោមគម្រោង សាកល្បងនានាសម្រាប់គម្រោងសកល ដែលមានគោលបំណងផ្តល់ជំនួយចង្កៀងប្រើពន្លឺព្រះអាទិត្យសរុបចំនួន ១០០.០០០ គ្រឿង តាមរយៈស្ថាប័នសង្គមក្នុងតំបន់ រួមទាំងអង្គការមិនស្វែងរកប្រាក់ចំណេញ និងអង្គការមិនមែនរដ្ឋាភិបាល ទៅកាន់តំបន់ដែលមិនមានអគ្គិសនីសម្រាប់ប្រើប្រាស់នៅក្នុងតំបន់អាស៊ី និងអាហ្វ្រិក ត្រឹមឆ្នាំ២០១៨ និងធានាឲ្យបាននូវការមានភ្លើងបំភ្លឺសមរម្យនៅក្នុងផ្ទះ និងអគារទាំងឡាយ។

Michiko Ogawa នាយកចាត់ការទូទៅនៃ CSR & Citizenship Group នៃក្រុមហ៊ុន Panasonic បានលើកឡើងថា “ការមានភ្លើងបំភ្លឺ និងអគ្គិសនីមានឥទ្ធិពលលើគុណភាពជីវិត។ ប្រសិនបើគ្មានភ្លើងអគ្គិសនីទេ កុមារមានការលំបាកជាខ្លាំងចំពោះការសិក្សានៅពេលយប់។ ស្រី្តមានផ្ទៃពោះដែលរស់នៅក្នុងតំបន់ដែលគ្មានអគ្គិសនីប្រើប្រាស់ ប្រឈមមុខនឹងគ្រោះថ្នាក់យ៉ាងធ្ងន់ធ្ងរនៅពេលសម្រាលកូននៅពេលយប់។ ប្រជាពលរដ្ឋអាចធ្លាក់ចូលក្នុងវដ្តនៃភាពក្រីក្រ ដោយសារពួកគេមិនអាចដោះស្រាយបញ្ហាសង្គមទាំងនេះបាន។ ចង្កៀងប្រើពន្លឺព្រះអាទិត្យ គឺជា វិធីសាស្ត្រមួយរបស់ក្រុមហ៊ុន Panasonic ដែលមានបំណងបន្ថែមការគាំទ្រដល់ជនដែលនៅ ផ្នែកបាតនៃពីរ៉ាមីត តាមរយៈបច្ចេកវិទ្យាដែលមានការបង្កើតថ្មី។ យើងសង្ឃឹមថា ការផ្តល់ជំនួយនៅថ្ងៃនេះអាចបង្កើតជីវិតកាន់តែប្រសើរ ពិភពលោកកាន់តែប្រសើរសម្រាប់មនុស្សទាំងអស់គ្នា”។

ស្ថិតនៅក្រោមលក្ខខណ្ឌអាកាសធាតុល្អប្រសើរ ចង្កៀងប្រើពន្លឺព្រះអាទិត្យអាចសាកថ្មឡើងវិញ បានយ៉ាងពេញនៅក្នុងរយៈពេលប្រហែលប្រាំមួយម៉ោង។ តាមរយៈការប្រើប្រាស់ពន្លឺព្រះអាទិត្យ វារួមចំណែកដល់ការកាត់បន្ថយការបញ្ចេញឧស្ម័នកាបូនិច។ ការកំណត់ពន្លឺដែលអាចកែសម្រួលបាននៃចង្កៀងនេះ ធ្វើឲ្យវាអាចដំណើរការបានចន្លោះពីប្រាំមួយម៉ោងទៅ ៩០ ម៉ោង នៅពេលសាកថ្មពេញ។ ការបំភ្លឺ ៣៦០ ដឺក្រេ និងការរចនាដែលអាចបត់បែនបានរបស់ចង្កៀងនេះ ធ្វើឲ្យវាមានភាពស័ក្តិសម និងមានភាពងាយស្រួលសម្រាប់ការប្រើប្រាស់ប្រចាំថ្ងៃ។ ផលិតផលដែលមានមុខងារច្រើននេះ មាន USB port ដែលអនុញ្ញាតដល់ការសាកថ្មទូរស័ព្ទចល័ត ជាឧបករណ៍ទំនាក់ទំនងដែលមានការកើនឡើងផ្នែកប្រជាប្រិយភាពនៅក្នុងតំបន់ ទាំងឡាយ ដែលហេដ្ឋារចនាសម្ព័ន្ធអគ្គិសនីនៅមានកម្រិត។

ចង្កៀងប្រើ ពន្លឺព្រះអាទិត្យអាចដំណើរការបានប្រហែលប្រាំមួយម៉ោង សម្រាប់ការកំណត់ខ្ពស់ ប្រហែល ១៥ ម៉ោង សម្រាប់ការកំណត់មធ្យម និងប្រហែល ៩០ ម៉ោង សម្រាប់ការកំណត់ទាប៕M/c

ពិធីប្រគល់ចង្កៀង ប្រើពន្លឺព្រះអាទិត្យចំនួន ២.៥០០ គ្រឿង ដើម្បីរំលឹកខួបលើកទី ៦០ នៃមិត្តភាពរវាងប្រទេសជប៉ុន និងប្រទេសកម្ពុជា ដោយស្ថានទូតជប៉ុន និងស្ថិតនៅក្រោម “គម្រោងចង្កៀងប្រើពន្លឺព្រះអាទិត្យចំនួន ១០០ ពាន់គ្រឿង” ទូទាំងសកលលោករបស់ក្រុមហ៊ុន Panasonic

ប្រភពៈ CEN

អានបន្ត