1/03/2014 08:08:00 AM
Unknown
កម្មករប្រមាណ ២០០០នាក់
បានផ្ទុះការតវ៉ាដុតកង់ឡាន និងម៉ូតូ នៅមុខសួនឧស្សាហកម្មកាណាឌីយ៉ា
ផ្លូវវ៉េងស្រេង សង្កាត់ចោមចៅ រាជធានីភ្នំពេញ
នៅយប់ថ្ងៃទី០២ខែមករានេះ។
លោក តាត ឧត្តម
អ្នកយកព័ត៌មានរបស់វីអូឌី ដែលតាមដានព័ត៌មាននេះ បានឲ្យដឹងថា
មូលហេតុដែលនាំឲ្យក្រុមកម្មករ ដុតកង់ឡាន ម៉ូតូ និងកង់ពីរគ្រឿងនោះ
ដោយសារពួកគេខឹងសម្បារនឹងកម្លាំងសមត្ថកិច្ចប្រមាណជាង១០០នាក់
ចុះទៅរារាំងពួកគេមិនឲ្យធ្វើកូដកម្មតវ៉ាទាមទារដំឡើងប្រាក់ឈ្នួល
១៦០ដុល្លារក្នុងមួយខែ កាលពីល្ងាចថ្ងៃទី០២ខែមករានេះ។
ក្នុងការតវ៉ានោះដែរ កម្មករក៏បានទាញរបងទ្វារសួនឧហ្សាហកម្មកាណាឌីយ៉ា ដាក់រាំងបិទកំណាត់ផ្លូវវ៉េងស្រេងផងដែរ។កម្មកររាប់ម៉ឺននាក់នៃរោងចក្ររាប់រយ
នៅថ្ងៃព្រហស្បតិ៍នេះ ចាប់ផ្តើមផ្ទុះការតវ៉ាព្រមៗគ្នាជាថ្មីទៀត
ដើម្បីឲ្យដំឡើងប្រាក់ឈ្នួលគោលដល់១៦០ដុល្លារ ហើយការតវ៉ាខ្លះ
បានឈានដល់កើតអំពើហិង្សា
និងមានការបិទកំណាត់ផ្លូវជាតិមួយចំនួនផងដែរ ដូចជាផ្លូវលេខ១
ផ្លូវជាតិលេខ២ ផ្លូវជាតិលេខ៤ជា ដើម៕
ប្រភព វីអូឌី
ចំណាត់ក្រុមៈ 
0 comments:
Post a Comment