12/25/2013 11:18:00 AM
Unknown
នាយករដ្ឋមន្ត្រីហ៊ុន សែន៖ «គ្មានការបោះឆ្នោតឡើងវិញ គ្មានការរំលាយរដ្ឋាភិបាល»
ក្នុងបណ្ដាញទំនាក់ទំនងសង្គមហ្វេសប៊ុករបស់លោក កឹម សុខា
អនុប្រធានគណបក្សសង្គ្រោះជាតិ
បានសរសេរថាខ្ញុំសូមផ្ដាំទៅលោកនាយករដ្ឋមន្ត្រី ហ៊ុន សែន តើលោកស្ដាប់រាស្ត្រខ្មែរឬស្ដាប់ចៅហ្វាយយួន? បើលោកស្ដាប់ចៅហ្វាយយួនរបស់លោក
គឺរលាយស្រុកខ្មែរហើយ។ ឥឡូវយើងសូមបួងសួងទាំងអស់គ្នា
សូមឱ្យលោកនាយករដ្ឋមន្ត្រី ហ៊ុន សែន ស្ដាប់រាស្ត្រខ្មែរ
ដោយចុះចេញពីតំណែងទៅ!!! នេះមិនមែនជាលើកដំបូងនោះទេ
ដែលមេដឹកនាំគណបក្សសង្គ្រោះជាតិ
បានបញ្ចេញ បន្ទាប់ពីលោកនាយករដ្ឋមន្ត្រីហ៊ុន សែន
បានបញ្ចេញប្រតិកម្មជាសាធារណៈប្រឆាំងនឹងការទាមទារឱ្យទម្លាក់រូប
លោកចេញពីមុខតំណែង និងឱ្យមានការបោះឆ្នោតឡើងវិញ
ដោយគណបក្សសង្គ្រោះជាតិ ដោយលោកបព្ជាក់ថា «គ្មានការបោះឆ្នោតឡើងវិញ
គ្មានការរំលាយរដ្ឋាភិបាល»។
បណ្ដាញទំនាក់ទំនងសង្គមហ្វេសប៊ុក Chhanchor Khnongcheat បាន Commen
ថា បើលោកកឹម សុខា ស្តាប់ឆន្ទះរាស្រ្តត្រូវតែគោរព ព្រោះ CPP បានជាង ៣
លានសម្លេង ចំណែក CNRP បានជាង ២ លានសម្លេង យល់?
ចំណែក លោក ឈាង វុន
មន្ត្រីជាន់ខ្ពស់គណបក្សប្រជាជនកម្ពុជាបានប្រាប់ឱ្យដឹងថា ការតវ៉ា
របស់ក្រុមប្រឆាំងមិនធ្វើឱ្យលោកចាប់អារម្មណ៍ឬឈឺក្បាលអ្វីឡើយ។ មេដឹកនាំគណបក្សសង្គ្រោះជាតិបានព្រមានថា
នឹងធ្វើបាតុកម្មទ្រង់ទ្រាយធំដូចនេះទៀតនៅថ្ងៃអាទិត្យទី២៩ខែធ្នូ
ហើយបើចំនួនកាន់តែកើនឡើងទៀតនោះគឺជាការបង្ហាញថា
ប្រជាពលរដ្ឋខ្មែរពិតជាលែងត្រូវការការកាន់អំណាចរបស់គណបក្សប្រជាជន
ទៀតហើយ។
កាលពីព្រឹកថ្ងៃសុក្រ ទី២០ ខែធ្នូ ឆ្នាំ២០១៣
នៅវិមានរដ្ឋសភា លោកនាយករដ្ឋមន្ត្រី ហ៊ុន
សែន បានថ្លែងទៅកាន់អ្នកសារព័ត៌មានជាតិ និងអន្តរជាតិ ថា «គ្មានការ
បោះឆ្នោតឡើងវិញ គ្មានការរំលាយរដ្ឋាភិបាល» ហើយបាតុកម្ម របស់
បក្សប្រឆាំងទាមទារឱ្យលោកចុះចេញពីតំណែងថា
ជាអំពើខុសរដ្ឋធម្មនុញ្ញ។ លោកបញ្ជាក់ថា
គ្មានអ្នកណាម្នាក់មានសិទ្ធិមករំលាយរដ្ឋសភាបានទេក្រៅតែពីការ
បោះឆ្នោតរយៈពេល៥ឆ្នាំម្តងក្រោយសភាបញ្ចប់អាណត្តិរបស់ខ្លួន។
លោកនាយករដ្ឋមន្ត្រីបានប្រាប់ឱ្យគណបក្សសង្គ្រោះជាតិពិនិត្យមាត្រា
រដ្ឋធម្មនុញ្ញ និងលោកនាយករដ្ឋមន្ត្រីបញ្ជាក់ថា លោកបានឡើងតាមរយៈ
រដ្ឋធម្មនុញ្ញនោះដែរ៕
ប្រភព សារព័ត៏មានសេរី
ចំណាត់ក្រុមៈ 
0 comments:
Post a Comment