1/02/2014 10:34:00 AM
Unknown
លោក យឹម សុវណ្ណ អ្នកនាំពាក្យគណបក្សប្រឆាំងបាននិយាយ ឲ្យដឹងកាលពីរសៀលថ្ងៃទី ១ មករានេះថា នៅក្នុងការជួបពិភាក្សា ជាមួយ គណបក្ស ប្រជាជនកម្ពុជា
ខាងគណបក្សសង្គ្រោះ ជាតិមានរបៀបវារៈ ចំនួនពីរធំ ដែលត្រូវលើកឡើង
ដើម្បីដាក់ទៅប្រជុំកំពូល រវាងគណបក្សទាំងពីរ។ លោកបានបញ្ជាក់ថា មានរបៀបវារៈពីរ ដែលគណបក្សសង្គ្រោះជាតិ
ចង់ស្នើដាក់ទៅការប្រជុំកំពូល រវាងគណបក្សទាំងពីរ
ទី១-កែទម្រង់ ការបោះឆ្នោត និងទី២-ការបោះ ឆ្នោតឡើងវិញ។លោកព្រុំ សុខា មន្ត្រីជាន់ខ្ពស់គណបក្សកាប់អំណាច ក៏បាននិយាយឲ្យដឹងដែរថា សម្រាប់គណបក្សប្រជាជនកម្ពុជា គឺមានច្បាស់ណាស់ ហើយយកអ្វីដែលបានឯកភាពគ្នា នៅក្នុងជំនួបកំពូលរវាងថ្នាក់ដឹកនាំ នៃគណបក្សប្រជាជនកម្ពុជា និងគណបក្សសង្គ្រោះជាតិ កាលពីថ្ងៃទី១៦ និងថ្ងៃទី១៧ ខែកញ្ញា ឆ្នាំ២០១៣ កន្លងទៅយកមកបន្តការជជែកគ្នាតទៅទៀត។
លោកបានបញ្ជាក់ថា ធម្មតាការចរចាមានច្រើនលើកចឹង ពីការចរចាមួយទៅការចរចាមួយមានវាអ្វីដែលជាចំណុចរួម យើងបន្តពង្រឹងអាហ្នឹង ដើម្បីឈានទៅរកដំណោះស្រាយចុងក្រោយសម្រាប់បញ្ហា។ ដូច្នេះសម្រាប់គណបក្សប្រជាជនកម្ពុជា គឺយកអ្វីដែលជាស្មារតីរួមដែលបាន ឯកភាពគ្នារវាងជំនួបកំពូលនៅ ថ្ងៃទី១៦-១៧ ខែកញ្ញា ឆ្នាំ២០១៣។
សូមបញ្ជាក់ថា ក្រុមការងារបច្ចេកទេសគណបក្សកាន់អំណាច ចំនូន ៣រូប រួមមាន ៖ លោក សក់ សេដ្ឋា ,លោក ព្រុំ សុខា និងលោក កើត រិទ្ធ។ចំណែកគណបក្សប្រឆាំង ចំនួន ៣រូប រួមមាន៖ លោក យឹម សុវណ្ណ ,លោក គួយ ប៊ុនរឿង និងលោក ប៉ុល ហំម៕
ប្រភព សម្លេងសារព័ត៏មានសេរី
ចំណាត់ក្រុមៈ 
0 comments:
Post a Comment