បទសម្ភាសន៍៖ ចលនាយោធា របស់រុស្ស៊ីមិនមែន ជាការឈ្លានពាន នោះទេ

ម៉ូស្គូ៖ ចលនាកងទ័ព របស់រុស្ស៊ីក្នុងពេលថ្មីៗនេះ ក្នុងតំបន់ស្វ័យតCrimea របស់ប្រទេសអ៊ុយក្រែន គឺជារឿងសមញ្ញមួយហើយយើង មិនអាចចាត់​ទុកថា នេះជាអំពើឈ្លានពាននោះទេ។ នេះបើ​យោង​​តាមអ្នកជំនាញផ្នែក យោធារបស់​ប្រទេស​​រុស្ស៊ី បានឲ្យដឹងកាលពីថ្ងៃអង្គារកន្លងទៅនេះ។

ទីភ្នាក់ងារសារព័ត៌មាន ចិនស៊ិនហួ ចុះថ្ងៃទី០៥ ខែមីនាឆ្នាំ២០១៤នេះបានឲ្យដឹងថា រដ្ឋាភិបាល​ក្រុង​​ម៉ូស្គូ មានសិទ្ធក្នុងការដាក់ពង្រាយកម្លាំងទ័ពរហូតដល់២៥ពាន់នាក់ក្នុងតំបន់Crimea ស្របតាម​កិច្ចព្រមព្រៀង រវាងរដ្ឋាភិបាលក្រុងម៉ូស្គូ និងរដ្ឋាភិបាលក្រុងគីវ ដែលធ្វើឡើងតាំងពី ពាក់កណ្តាល​ទស​វត្សរ៍ឆ្នាំ១៩៩០មកម្ល៉េះប៉ុន្តែពេលនេះកម្លាំងយោធាមានត្រឹមតែ១៨ពាន់នាក់តែប៉ុណ្ណោះ។ នេះ​បើ​​​​​​យោងតាមការលើកឡើង​​​របស់ប្រធានក្រុមប្រឹក្សាដែលបានដឹកនាំ វិទ្យាស្ថានស្រាវជ្រាវ​យុទ្ធ​សាស្រ្ត​របស់ប្រទេស រុស្ស៊ីប្រាប់ភ្នាក់ងារសារ ព័ត៌មាន ចិនស៊ិនហួ តាមរយៈបទសម្ភាសន៍មួយ។

លោក Kozin សាស្ត្រាចារ្យវិទ្យាសាស្ត្ររុស្ស៊ី បានលើកឡើងថា កងកម្លាំងយោធាទាំងនោះ ត្រូវ​បាន​ដាក់​ ពង្រាយនៅទីនេះ តាំងពីមុនព្រឹត្តិការណ៍ក្នុងពេលថ្មីៗនេះមកម្ល៉េះ។ ប្រភពដដែលបានបន្តថា ពួក​​គេបានស្នាក់ នៅទីនេះយ៉ាងស្របច្បាប់រហូតដល់ឆ្នាំ២០៤២។

គួរបញ្ជាក់ថា កងកម្លាំងទ័ពទាំងអស់ដែលដាក់ពង្រាយក្នុងតំបន់ Crimea មានការភ្ជាប់ជាមួយនឹងនា វាដែលដាក់តាំងនៅសមុទ្រខ្មៅផងដែរដើម្បីឲ្យស្របតាមកិច្ចព្រមព្រៀង ធ្វើឡើងរវាងរដ្ឋា​ភិបាល​ក្រុង ​ម៉ូស្គូន និងក្រុងគីវ បន្ទាប់ពីការដួលរលំសហភាពសូវៀត។

លោក Kozin បានបន្តថា រហូតមកទល់បច្ចុប្បន្ន ការប៉ះទង្គិចគ្នារវាងកងកម្លាំងយោធារបស់​ប្រទេស​រុស្ស៊ី​​ និង អ៊ុយក្រែនមិនទាន់កើតមាននៅឡើយ។ មិនតែប៉ុណ្ណោះពួកគេធ្លាប់​បានធ្វើសម​យុទ្ធយោ​​ធា​​​រួមគ្នា និងចូលរួម ក្នុងប្រតិបត្តិការ ប្រឆាំងក្រុមភេវរករផងដែរ។

គួរបញ្ជាក់ថា ពេលនេះតំបន់របស់ប្រជាជនអ៊ុយក្រែន ដែលនិយាយភាសារុស្ស៊ី បានក្លាយជាចំណុច កណ្តាលនៃតំបន់ដែលកំពុងមានវិបត្តិ។ កន្លងមកនេះ មានខ្មាន់កាំភ្លើងចំនួន៥០នាក់ បាន​កាន់​ទង់​ជាតិ​​ប្រទេសរុស្ស៊ីព្រមទាំងបានវាយដណ្តើមយកព្រលានយន្តនៅក្នុងតំបន់ Crimea រហូតដល់​ពី​កន្លែង​​​កាលពីថ្ងៃសុក្រកន្លងទៅនេះដោយវាបានកើតឡើងក្នុងរយៈពេលមួយ​ថ្ងៃបន្ទាប់​ពីខ្មាន់​កាំភ្លើង​ទាំង​នេះ បានវាយដណ្តើម យកសភា និងអគារដ្ឋាភិបាល៕

ប្រភព ដើមអំពិល