គ្រូពេទ្យនៅខេត្តកណ្ដាលអំពាវនាវឲ្យពលរដ្ឋទៅព្យាបាលជំងឺភ្នែកឥតគិតថ្លៃ ~ lisotsok

Monday, February 10, 2014

គ្រូពេទ្យនៅខេត្តកណ្ដាលអំពាវនាវឲ្យពលរដ្ឋទៅព្យាបាលជំងឺភ្នែកឥតគិតថ្លៃ

2/10/2014 02:26:00 PM

Unknown

គ្រូពេទ្យភ្នែកខេត្តកណ្ដាល អំពាវនាវដល់ពលរដ្ឋដែលមានបញ្ហាភ្នែក ឬជំងឺភ្នែកឱ្យរួសរាន់មកទទួលសេវាពិនិត្យ និងព្យាបាលដោយឥតគិតថ្លៃ នៅមន្ទីរពេទ្យបង្អែករកាកោង ស្រុកមុខកំពូល ខេត្តកណ្ដាល។

ប្រធានសុខភាពភ្នែកខេត្តកណ្ដាល និងជាប្រធានផ្នែកចក្ខុរោគនៃអគារភ្នែក មន្ទីរពេទ្យជ័យជំនះ ខេត្តកណ្ដាល លោកវេជ្ជបណ្ឌិត លន់ ម៉ារ៉ា មានប្រសាសន៍ថា ក្រុមគ្រូពេទ្យភ្នែកខេត្តកណ្ដាល បើកយុទ្ធនាការពិនិត្យព្យាបាលជំងឺភ្នែកជូនប្រជាពលរដ្ឋដោយឥតគិត ថ្លៃ រយៈពេល ៥ថ្ងៃ គឺចាប់ពីថ្ងៃទី៩ ដល់ថ្ងៃទី១៣ កុម្ភៈ ឆ្នាំ២០១៤។
លោកវេជ្ជបណ្ឌិតបញ្ជាក់ថា សេវាវះកាត់ជំងឺភ្នែកឥតគិតថ្លៃនេះ គឺសហការជាមួយមូលនិធិអន្តរជាតិនៅប្រទេសអូស្ត្រាលី ឈ្មោះ ហ្វ្រិដ ហូឡូ (Fred Hollows) ដែលធ្វើការផ្ដោតលើជំងឺភ្នែក។
លោកវេជ្ជបណ្ឌិត លន់ ម៉ារ៉ា ឱ្យដឹងថា នៅថ្ងៃទី៩ កុម្ភៈ លោកវះកាត់បញ្ហាភ្នែកជូនពលរដ្ឋបានជាង ២០ករណី និងទទួលពិគ្រោះព្យាបាលជិត ១០០ករណី។ ជំងឺភ្នែកដែលលោកបានទទួលភាគច្រើន គឺជំងឺភ្នែកឡើងបាយ កន្ទុយថ្លែន ប្រែងចាក់ភ្នែក និងជំងឺឡើងសម្ពាធភ្នែកជាដើម៕
ប្រភព អាស៊ីសេរី

ចំណាត់ក្រុមៈ សន្តិសុខ

Monday, February 10, 2014