12/20/2013 03:28:00 PM
Unknown
ភ្នំពេញ:
សម្តេចតេជោហ៊ុនសែននៅព្រឹកថ្ងៃសុក្រទី២០ខែធ្នូឆ្នាំ២០១៣បាន
បដិសេធចំពោះការទាមទាររបស់គណបក្សសង្គ្រោះជាតិ
លើការបោះឆ្នោតឡើងវិញ។ សម្តេច ក៏បានប្រកាសថា
សម្តេចមិនចុះចេញពីដំណែងតាមការទាមទារបាតុកម្មរបស់គណបក្សសង្គ្រោះ
ជាតិដែរ។
នៅក្រៅកិច្ចប្រជុំរដ្ឋសភា កាលពីព្រឹកថ្ងៃសុក្រ ទី២០ ខែធ្នូ ឆ្នាំ២០១៣ សម្តេចនាយករដ្ឋមន្ត្រី ហ៊ុន សែន បានមានប្រសាសន៍គូសបញ្ជាក់ជូនប្រជាជនកម្ពុជាថា នៅកម្ពុជាមានរដ្ឋធម្មនុញ្ញមួយបានកំណត់ហើយដែលខុសពីប្រទេសដទៃ។ ប្រទេសដទៃដែលអនុញ្ញាតឲ្យនាយករដ្ឋមន្ត្រីប្រកាសរំលាយសភា ប៉ុន្តែនៅប្រទេសកម្ពុជា មាត្រាទី៧៨ នៃរដ្ឋធម្មនុញ្ញ បានកំណត់ថា សភាមាននីតិកាល ៥ ឆ្នាំ សភាមិនអាចរំលាយមុនអាណត្តិបានទេ លើកលែងតែរាជរដ្ឋាភិបាល ត្រូវរំលាយពីរដង ក្នុងរយៈពេល ១២ ខែ។ ដូច្នេះនៅទីនេះ នាយករដ្ឋមន្ត្រី ក៏គ្មានសិទ្ធិរំលាយសភា ព្រះមហាក្សត្រ ក៏គ្មានសិទ្ធិរំលាយសភា សភាខ្លួនឯង ក៏គ្មានសិទ្ធិរំលាយសភា។ ដូច្នេះតើនរណាមួយ មានសិទ្ធិរំលាយសភា ដើម្បីធ្វើការបោះឆ្នោតឡើងវិញ?។
សម្តេចហ៊ុនសែន បានគូសបញ្ជាក់ថា “ដូច្នេះសូមអ្នកទាមទារទាំងឡាយ មើលច្បាប់ឲ្យបានច្បាស់។ មួយទៀត ទាមទារឲ្យខ្ញុំចុះចេញពីតំណែង។ តើខ្ញុំបានធ្វើកំហុសអ្វី? បើសិនជាសភា ទម្លាក់ខ្ញុំ នោះវាជារឿងមួយ។ ក៏ប៉ុន្តែការចុះចេញពីតំណែងរបស់ខ្ញុំ មិនមែនជាការចង់បានរបស់អ្នកគាំទ្រគណបក្សប្រជាជនកម្ពុជា និងគាំទ្រខ្ញុំនោះទេ។ ពិតណាស់ អ្នកដែលមិនបានគាំទ្រខ្ញុំ មិនមែនទើបតែថ្ងៃនេះទេ តាំងពីជំនាន់ ក្រោយពីរំដោះពីប៉ុលពត ភ្លាម ក៏គេចង់ឲ្យខ្ញុំចាកចេញពីតំណែងរួចទៅហើយ។ អីចឹងខ្ញុំគ្មានការភ្ញាក់ផ្អើលចំពោះការទាមទារ ហើយក៏ខ្ញុំដឹងដែរ ថានរណា អ្នកឲ្យសរសេរអំពី ហ៊ុនសែនអើយ! ចាកចេញទៅនោះ! ខ្ញុំដឹង។ មិនមែនអ្នកធ្វើបាតុកម្មធម្មតាទេ ក៏ប៉ុន្តែគឺជាមេដឹកនាំនយោបាយ”។
សម្តេច ហ៊ុន សែន បានគូសបញ្ជាក់ថា “ខ្ញុំឡើងតាមរដ្ឋធម្មនុញ្ញ ខ្ញុំចុះ ក៏ចុះតាមរដ្ឋ ធម្មនុញ្ញ។ អីចឹង សូមបញ្ជាក់ឲ្យហើយ គ្មានការបោះឆ្នោតឡើងវិញទេ ព្រោះគ្មានអ្នករំលាយសភា ហើយក៏គ្មានយន្តការណា កំណត់អំពីការបោះឆ្នោត មុនអាណត្តិនោះទេ ហើយក្រៅពីការចែងនៅក្នុងរដ្ឋធម្មនុញ្ញ ក៏មានការចែង នៅក្នុងច្បាប់បោះឆ្នោត។ ច្បាប់ បោះឆ្នោត ចងជាប់ជាចំណងតែម្តង គឺនៅរៀងរាល់ថ្ងៃអាទិត្យ រៀងរាល់ ៥ ឆ្នាំម្តង នៅថ្ងៃអាទិត្យ នាសប្តាហ៍ទី៤ នៅខែកក្កដា ត្រូវធ្វើការបោះឆ្នោត។ ដូច្នេះម្ខាងរដ្ឋធម្មនុញ្ញចង មិនឲ្យមាននរណា គឺរំលាយសភា។ សភាខ្លួនឯង ក៏មិនអាចមានសិទ្ធិរំលាយសភាទេ។លើកលែងតែបើខ្លួនចង់រំលាយសភាខ្លួនឯងទាល់តែខ្លួនឯងរំលាយរាជរដ្ឋាភិបាល ពីរដងក្នុងរយៈពេល ១២ ខែ។ អីចឹង ចំណុចនេះ សូមអ្នកតវ៉ា មើលឲ្យច្បាស់ គ្មាននរណាមានសិទ្ធិទាំងអស់”។
អំពីបាតុកម្មរបស់គណបក្ស សង្គ្រោះជាតិ ដែលបានព្រមានថានឹងធ្វើបាតុកម្មបិទផ្លូវវិញត្រូវបានសម្តេចនាយករដ្ឋមន្ត្រី ហ៊ុន សែន ព្រមានទៅវិញថា រដ្ឋាភិបាល នឹងចាត់វិធានការតាមផ្លូវច្បាប់។ បាតុកម្មបិទផ្លូវរបស់គណបក្សប្រឆាំង ក៏ត្រូវបានសម្តេចនាយករដ្ឋមន្ត្រី ចាត់ទុកថា ជាការបិទឈាមខ្លួនឯង។
សម្តេច ហ៊ុន សែន បានគូសបញ្ជាក់ថា “ឥឡូវនិយាយដល់រឿងបាតុកម្មបិទផ្លូវ។ ខ្ញុំគ្រាន់តែសូមបញ្ជាក់ថា បិទផ្លូវ តើប៉ះពាល់ដល់អ្វី? មិនមែនប៉ះពាល់ដល់រដ្ឋាភិបាល ត្រឹមរាជរដ្ឋាភិបាល ត្រឹមស្ថាប័នរបស់រដ្ឋមួយចំនួនទេ គឺប៉ះពាល់ដល់ប្រជាជន។ ជាទង្វើខុសច្បាប់។ ខ្ញុំសូមស្នើ ទាំងនេះ គឺជាវិធានការ ដែលរាជរដ្ឋាភិបាល ត្រូវឆ្លើយតបវិធានការតាមផ្លូវច្បាប់ហើយ។ វាគ្មានជំរើសណាផ្សេងក្រៅពីនោះទេ។ សូមប្រជាពលរដ្ឋ ជៀសឲ្យឆ្ងាយអំពីទង្វើអំពាវនាវឲ្យមានការបិទផ្លូវ។ បិទផ្លូវ គឺជាការបិទឈាមខ្លួនឯង!”។
ជាមួយនឹងការគូសបញ្ជាក់ខាងលើ សម្តេចនាយករដ្ឋមន្ត្រី ហ៊ុន សែន ក៏បានលើកឡើងថារាជរដ្ឋាភិបាលមានការអត់ធ្មត់ គោរពសិទ្ធិរបស់ប្រជាពលរដ្ឋក្នុងការធ្វើបាតុកម្មដោយសន្តិវិធី ប៉ុន្តែរាជរដ្ឋាភិបាល នឹងមិនយល់ព្រមណាមួយអំពីបញ្ហាទាក់ទិនជាមួយនឹងការណ៍ដែលជាទង្វើខុសច្បាប់បង្កអស្ថិរភាពសម្រាប់ប្រជាពលរដ្ឋនោះទេ។
សម្តេច ហ៊ុន សែន បានគូសបញ្ជាក់ជាថ្មីថា “យើងមិនអាចទទួលយកបានលើទង្វើណាក៏ដោយចុះ ដែលពាក់ព័ន្ធទៅនឹងការបំផ្លាញទៅលើសន្តិសុខរបស់ជាតិ ហើយខ្ញុំសូមស្នើឲ្យមានការប្រុងប្រយ័ត្នចំពោះបាតដៃទី៣”។
ការឆ្លើយតបរបស់ប្រមុខរាជរដ្ឋាភិបាល ដោយច្រានចោលនូវការទាមទាររបស់បាតុកម្មគណបក្សប្រឆាំងខាងលើ ត្រូវបានលោក កឹម សុខា អនុប្រធានគណបក្សសង្គ្រោះជាតិ លើកឡើងថា លោកមិនមានការភ្ញាក់ផ្អើលទេឮព្រោះសម្តេចនាយករដ្ឋមន្ត្រី ហ៊ុន សែន តែងតែមិនមានឆន្ទៈក្នុងការទទួលយកសំណូមពររបស់ប្រជាពលរដ្ឋ មកដោះស្រាយយូរឆ្នាំមកហើយ ដូចជា បញ្ហាដីធ្លី ជាដើម។
លោក កឹម សុខា បានមានប្រសាសន៍ថា “ខ្ញុំអត់មានអីភ្ញាក់ផ្អើលទេ ព្រោះគាត់ ជាមេដឹក នាំមួយ ដែលមិនមានសម្បជញ្ញៈ មានគុណធម៌ មានចិត្តថា យកសំណូមប្រជាពលរដ្ឋយកទៅពិចារណា គឺគាត់អត់មានលក្ខណៈបែបនឹងទេ។ គាត់តែងតែជាអ្នកដឹកនាំមួយ ដែលតែងតែច្រានចោលនូវអ្វីដែលជាការទាមទារ ឬក៏ជាឆន្ទៈរបស់ប្រជាពលរដ្ឋ”៕
នៅក្រៅកិច្ចប្រជុំរដ្ឋសភា កាលពីព្រឹកថ្ងៃសុក្រ ទី២០ ខែធ្នូ ឆ្នាំ២០១៣ សម្តេចនាយករដ្ឋមន្ត្រី ហ៊ុន សែន បានមានប្រសាសន៍គូសបញ្ជាក់ជូនប្រជាជនកម្ពុជាថា នៅកម្ពុជាមានរដ្ឋធម្មនុញ្ញមួយបានកំណត់ហើយដែលខុសពីប្រទេសដទៃ។ ប្រទេសដទៃដែលអនុញ្ញាតឲ្យនាយករដ្ឋមន្ត្រីប្រកាសរំលាយសភា ប៉ុន្តែនៅប្រទេសកម្ពុជា មាត្រាទី៧៨ នៃរដ្ឋធម្មនុញ្ញ បានកំណត់ថា សភាមាននីតិកាល ៥ ឆ្នាំ សភាមិនអាចរំលាយមុនអាណត្តិបានទេ លើកលែងតែរាជរដ្ឋាភិបាល ត្រូវរំលាយពីរដង ក្នុងរយៈពេល ១២ ខែ។ ដូច្នេះនៅទីនេះ នាយករដ្ឋមន្ត្រី ក៏គ្មានសិទ្ធិរំលាយសភា ព្រះមហាក្សត្រ ក៏គ្មានសិទ្ធិរំលាយសភា សភាខ្លួនឯង ក៏គ្មានសិទ្ធិរំលាយសភា។ ដូច្នេះតើនរណាមួយ មានសិទ្ធិរំលាយសភា ដើម្បីធ្វើការបោះឆ្នោតឡើងវិញ?។
សម្តេចហ៊ុនសែន បានគូសបញ្ជាក់ថា “ដូច្នេះសូមអ្នកទាមទារទាំងឡាយ មើលច្បាប់ឲ្យបានច្បាស់។ មួយទៀត ទាមទារឲ្យខ្ញុំចុះចេញពីតំណែង។ តើខ្ញុំបានធ្វើកំហុសអ្វី? បើសិនជាសភា ទម្លាក់ខ្ញុំ នោះវាជារឿងមួយ។ ក៏ប៉ុន្តែការចុះចេញពីតំណែងរបស់ខ្ញុំ មិនមែនជាការចង់បានរបស់អ្នកគាំទ្រគណបក្សប្រជាជនកម្ពុជា និងគាំទ្រខ្ញុំនោះទេ។ ពិតណាស់ អ្នកដែលមិនបានគាំទ្រខ្ញុំ មិនមែនទើបតែថ្ងៃនេះទេ តាំងពីជំនាន់ ក្រោយពីរំដោះពីប៉ុលពត ភ្លាម ក៏គេចង់ឲ្យខ្ញុំចាកចេញពីតំណែងរួចទៅហើយ។ អីចឹងខ្ញុំគ្មានការភ្ញាក់ផ្អើលចំពោះការទាមទារ ហើយក៏ខ្ញុំដឹងដែរ ថានរណា អ្នកឲ្យសរសេរអំពី ហ៊ុនសែនអើយ! ចាកចេញទៅនោះ! ខ្ញុំដឹង។ មិនមែនអ្នកធ្វើបាតុកម្មធម្មតាទេ ក៏ប៉ុន្តែគឺជាមេដឹកនាំនយោបាយ”។
សម្តេច ហ៊ុន សែន បានគូសបញ្ជាក់ថា “ខ្ញុំឡើងតាមរដ្ឋធម្មនុញ្ញ ខ្ញុំចុះ ក៏ចុះតាមរដ្ឋ ធម្មនុញ្ញ។ អីចឹង សូមបញ្ជាក់ឲ្យហើយ គ្មានការបោះឆ្នោតឡើងវិញទេ ព្រោះគ្មានអ្នករំលាយសភា ហើយក៏គ្មានយន្តការណា កំណត់អំពីការបោះឆ្នោត មុនអាណត្តិនោះទេ ហើយក្រៅពីការចែងនៅក្នុងរដ្ឋធម្មនុញ្ញ ក៏មានការចែង នៅក្នុងច្បាប់បោះឆ្នោត។ ច្បាប់ បោះឆ្នោត ចងជាប់ជាចំណងតែម្តង គឺនៅរៀងរាល់ថ្ងៃអាទិត្យ រៀងរាល់ ៥ ឆ្នាំម្តង នៅថ្ងៃអាទិត្យ នាសប្តាហ៍ទី៤ នៅខែកក្កដា ត្រូវធ្វើការបោះឆ្នោត។ ដូច្នេះម្ខាងរដ្ឋធម្មនុញ្ញចង មិនឲ្យមាននរណា គឺរំលាយសភា។ សភាខ្លួនឯង ក៏មិនអាចមានសិទ្ធិរំលាយសភាទេ។លើកលែងតែបើខ្លួនចង់រំលាយសភាខ្លួនឯងទាល់តែខ្លួនឯងរំលាយរាជរដ្ឋាភិបាល ពីរដងក្នុងរយៈពេល ១២ ខែ។ អីចឹង ចំណុចនេះ សូមអ្នកតវ៉ា មើលឲ្យច្បាស់ គ្មាននរណាមានសិទ្ធិទាំងអស់”។
អំពីបាតុកម្មរបស់គណបក្ស សង្គ្រោះជាតិ ដែលបានព្រមានថានឹងធ្វើបាតុកម្មបិទផ្លូវវិញត្រូវបានសម្តេចនាយករដ្ឋមន្ត្រី ហ៊ុន សែន ព្រមានទៅវិញថា រដ្ឋាភិបាល នឹងចាត់វិធានការតាមផ្លូវច្បាប់។ បាតុកម្មបិទផ្លូវរបស់គណបក្សប្រឆាំង ក៏ត្រូវបានសម្តេចនាយករដ្ឋមន្ត្រី ចាត់ទុកថា ជាការបិទឈាមខ្លួនឯង។
សម្តេច ហ៊ុន សែន បានគូសបញ្ជាក់ថា “ឥឡូវនិយាយដល់រឿងបាតុកម្មបិទផ្លូវ។ ខ្ញុំគ្រាន់តែសូមបញ្ជាក់ថា បិទផ្លូវ តើប៉ះពាល់ដល់អ្វី? មិនមែនប៉ះពាល់ដល់រដ្ឋាភិបាល ត្រឹមរាជរដ្ឋាភិបាល ត្រឹមស្ថាប័នរបស់រដ្ឋមួយចំនួនទេ គឺប៉ះពាល់ដល់ប្រជាជន។ ជាទង្វើខុសច្បាប់។ ខ្ញុំសូមស្នើ ទាំងនេះ គឺជាវិធានការ ដែលរាជរដ្ឋាភិបាល ត្រូវឆ្លើយតបវិធានការតាមផ្លូវច្បាប់ហើយ។ វាគ្មានជំរើសណាផ្សេងក្រៅពីនោះទេ។ សូមប្រជាពលរដ្ឋ ជៀសឲ្យឆ្ងាយអំពីទង្វើអំពាវនាវឲ្យមានការបិទផ្លូវ។ បិទផ្លូវ គឺជាការបិទឈាមខ្លួនឯង!”។
ជាមួយនឹងការគូសបញ្ជាក់ខាងលើ សម្តេចនាយករដ្ឋមន្ត្រី ហ៊ុន សែន ក៏បានលើកឡើងថារាជរដ្ឋាភិបាលមានការអត់ធ្មត់ គោរពសិទ្ធិរបស់ប្រជាពលរដ្ឋក្នុងការធ្វើបាតុកម្មដោយសន្តិវិធី ប៉ុន្តែរាជរដ្ឋាភិបាល នឹងមិនយល់ព្រមណាមួយអំពីបញ្ហាទាក់ទិនជាមួយនឹងការណ៍ដែលជាទង្វើខុសច្បាប់បង្កអស្ថិរភាពសម្រាប់ប្រជាពលរដ្ឋនោះទេ។
សម្តេច ហ៊ុន សែន បានគូសបញ្ជាក់ជាថ្មីថា “យើងមិនអាចទទួលយកបានលើទង្វើណាក៏ដោយចុះ ដែលពាក់ព័ន្ធទៅនឹងការបំផ្លាញទៅលើសន្តិសុខរបស់ជាតិ ហើយខ្ញុំសូមស្នើឲ្យមានការប្រុងប្រយ័ត្នចំពោះបាតដៃទី៣”។
ការឆ្លើយតបរបស់ប្រមុខរាជរដ្ឋាភិបាល ដោយច្រានចោលនូវការទាមទាររបស់បាតុកម្មគណបក្សប្រឆាំងខាងលើ ត្រូវបានលោក កឹម សុខា អនុប្រធានគណបក្សសង្គ្រោះជាតិ លើកឡើងថា លោកមិនមានការភ្ញាក់ផ្អើលទេឮព្រោះសម្តេចនាយករដ្ឋមន្ត្រី ហ៊ុន សែន តែងតែមិនមានឆន្ទៈក្នុងការទទួលយកសំណូមពររបស់ប្រជាពលរដ្ឋ មកដោះស្រាយយូរឆ្នាំមកហើយ ដូចជា បញ្ហាដីធ្លី ជាដើម។
លោក កឹម សុខា បានមានប្រសាសន៍ថា “ខ្ញុំអត់មានអីភ្ញាក់ផ្អើលទេ ព្រោះគាត់ ជាមេដឹក នាំមួយ ដែលមិនមានសម្បជញ្ញៈ មានគុណធម៌ មានចិត្តថា យកសំណូមប្រជាពលរដ្ឋយកទៅពិចារណា គឺគាត់អត់មានលក្ខណៈបែបនឹងទេ។ គាត់តែងតែជាអ្នកដឹកនាំមួយ ដែលតែងតែច្រានចោលនូវអ្វីដែលជាការទាមទារ ឬក៏ជាឆន្ទៈរបស់ប្រជាពលរដ្ឋ”៕
ប្រភព CEN
ចំណាត់ក្រុមៈ 
0 comments:
Post a Comment