12/17/2013 10:57:00 AM
Unknown
ភ្នំពេញ:
ព្រះសង្ឃនិងប្រជាជនជាច្រើនអង្គនិងនាក់
ដោយមានបដា, មានទង់សាសនាផងបានលើកគ្នាមកទីលានប្រជាធិបតេយ្យ
ដោយស្រែកទាមទារឲ្យអាជ្ញាធរ ស្វែងរកចាប់ខ្លួនជនទុច្ចរិតដែលបានលួច
យកសុវណ្ណកោដ្ឋព្រះបរមសារីរិកធាតុនិងវត្ថុមានតម្លៃនៅព្រះ
សក្យមុនីចេតិយ នាភ្នំព្រះ រាជទ្រព្យ ឬភ្នំអដ្ឋរស្ស
ឬភ្នំឧដុង្គ។ ប៉ុន្តែវត្តមាននៃអ្នកតវ៉ាទាំងនេះត្រូវបានក្រុម
សន្តិសុខគណបក្សសង្គ្រោះជាតិ ដែលកំពុងឈរជើងនៅទីនោះបាននិមន្តនិង
ស្នើឲ្យចាកចេញ
ពីព្រោះការតវ៉ានេះខុស ពីគោលការណ៍ របស់គណបក្សសង្គ្រោះជាតិ។
សកម្មភាពនេះបានកើតឡើងកាលពីព្រឹកថ្ងៃទី១៧ខែធ្នូនេះ។ ក្រុមព្រះសង្ឃចំនួនជាង៣០០អង្គ រួមជាមួយប្រជាពលរដ្ឋ បានលើកបដា លើកទង់សាសនានិងស្រែកទាមទារឲ្យអាជ្ញាធរមានសមត្ថកិច្ចធ្វើការ ស្វែងរកចាប់ខ្លួនជនល្មើសដែលបានធ្វើការសកម្មភាពលួចគាស់យកព្រះ សុវណ្ណកោដ្ឋ និងព្រះបរមសារីរិកធាតុ ពីសក្យមុនីចេតិយនៅភ្នំឧដុង្គ ខេត្តកណ្តាល កាលពីថ្ងៃទី១០ខែធ្នូឆ្នាំ២០១៣កន្លងទៅនេះ។
សកម្មជនគណបក្សសង្គ្រោះជាតិបានស្នើឲ្យក្រុមអ្នកតវ៉ាចាកចេញពីទីលានប្រជាធិបតេយ្យ គឺដោយសារពួកគេធ្វើការទាមទារខុសពីគោលការណ៍របស់គណបក្សសង្គ្រោះជាតិ ដែលបានរៀបចំ។
សន្តិសុខ គណបក្សសង្គ្រោះជាតិ បានសុំឲ្យព្រះសង្ឃ និងប្រជាពលរដ្ឋចេញពីទីលានប្រជាធិប តេយ្យ ទៅធ្វើកន្លែងណាផ្សេងទៅ ដើម្បីកុំឲ្យរាជរដ្ឋាភិបាល និងអាជ្ញាធរចោទប្រកាន់មកលើគណបក្សសង្គ្រោះជាតិថា ធ្វើអ្វីខុសពីគោលការណ៍។ ក្នុងពេលស្នើឲ្យចាកចេញនោះ ក៏មានការ ទាស់សំដីគ្នា រវាងព្រះសង្ឃ និងសន្តិសុខ របស់គណបក្សសង្គ្រោះជាតិផងដែរ ។
បន្ទាប់ពីហែក្បូនចេញពីទីលានប្រជាធិបតេយ្យ ក្រុមព្រះសង្ឃ និងប្រជាពលរដ្ឋ បានធ្វើដំណើរទៅដល់ក្បែរព្រះបរមរាជវាំង ប៉ុន្តែសមត្ថកិច្ចបានដាក់បារ៉ាស់ មិនពួកគេចូលទៅដល់សាលសន្និ សីទចតុមុខនោះទេ។
ចំណាត់ក្រុមៈ 
0 comments:
Post a Comment