រុស្ស៊ីរំកិលទីតាំងកាំជ្រួចមីស្ស៊ីលរបស់ខ្លួន ទៅកៀកអឺរ៉ុប

បើយោងតាម ទីភ្នាក់ងារព័ត៌មានបារាំង ប្រទេស រុស្ស៊ី បានបង្ហើបប្រាប់ថា ខ្លួនបាននឹងឲ្យ​កំពុងរំ​កិល​​​ជើង​​​​​​​​​​ទំរ ដែលត្រូវការចាំបាច់ សម្រាប់ការបាញ់កាំ​​​​​​​ជ្រួចមីស្ស៊ីល ទៅកៀកព្រំដែនរបស់ខ្លួន និង​​ប្រ​ទេស​​​​​​​អឺរ៉ុបហើយ ជាការតបតនឹងការពង្រាយ​ខែលការពារ មីស្ស៊ីលបន្ថែមរបស់សហរដ្ឋអាមេរិច​ នៅអឺរ៉ុប​​ខាង​​​​​​កើត  កាំជ្រួច ដែលត្រូវបានគេដាក់ពង្រាយបន្ថែម ទៅកៀកប្រទេស​អឺរ៉ុបខាងកើត​នោះ ​ជាប្រភេទកាំជ្រួចដែលមាន រង្វង់វាយប្រហារ 500គម ដែលអាចកម្ទេចរាល់ស្ថានីយ៍ រ៉ាដានានា ដែល​ អាមេរិច​សាង​​​​សង់ជាខែល ការពារអឺរ៉ុប។

ទង្វើនៃការដាក់ពង្រាយកាំជ្រួចនេះ​ បាននាំឱ្យមានប្រតិកម្មជាខ្លាំង​ ពីប្រទេស​ជិតខាង។ ប្រទេសប៉ូ ឡូញ បានហៅទង្វើរបស់ មូស្គូថាជារឿងរំខានមួយខណៈដែល អេ​ស្ដូនី លីទុយអានី និង ឡាទ្វី បាន​ចាត់ទុក ការរំកិលកាំជ្រួចនេះថា ជាការប្រកាសអាសន្នមួយ។

អ្នកនាំពាក្យម្នាក់នៃក្រសួងការបរទេសអាមេរិច ម៉ារី ហាហ្វ បានថ្លែងក្នុងសេចក្ដីថ្លែងការណ៍មួយថា សហរដ្ឋ អាមេរិចស្នើប្រទេសរុស្ស៊ី ឱ្យឈប់បោះជំហានទៅរក ទង្វើណាដែលបង្កអស្ថិរភាព ក្នុងតំ​បន់។

ឆ្លើយតប នឹងការរិះគន់រួម នឹងប្រតិកម្មពីទីជិតទីឆ្ងាយ ទីក្រុងមូស្គូបានហៅការរំកិល មីស្ស៊ីលរបស់ ខ្លួនថា គ្រាន់ជាការប្រតិបត្តិ ក្នុងរង្វង់ដែនអធិបតេយ្យរបស់ខ្លួន ហើយបានថ្លែងការពារបន្ថែមថា ទង្វើ​របស់ខ្លួន មិនបានរំលោភច្បាប់ ឬសន្ធិសញ្ញា អន្តរជាតិណាមួយនោះទេ។

ប្រភព:  សម្លេងសារព័ត៏មានសេរី