សម្រេចដំឡើងប្រាក់ឈ្នួល តាមឆ្នាំនីមួយៗ រហូតដល់ឆ្នាំ២០១៨

ភ្នំពេញ៖ កិច្ចប្រជុំដំឡើងប្រាក់ ឈ្នួលរបស់ក្រុមកម្មករ រោងចក្រកាត់ដេរ ដែលមានការចូលរួម ពីក្រុម​ស​ហ​ជីពតំណាងរោងចក្រនិងសមាគមកាត់ដេរកម្ពុជាដែលមានក្រសួងការងារ ធ្វើជាអា​ជ្ញា​កណ្តាល​​​​នោះ បានសម្រេច ឯកភាពគ្នា ២៣លើ២៥សំឡេងនៃអ្នកចូលរួម ទាំងអស់ ហើយក៏សម្រេចដំឡើង តាមឆ្នាំនីមួយៗផងដែរ។

នៅក្នុងកិច្ចប្រជុំនាព្រឹកថ្ងៃទី២៤ខែធ្នូឆ្នាំ២០១៣នេះធ្វើឡើងនៅក្រសួងការងារនោះមានសំឡេងអ្នកគាំ

ទ្រ ២៣ នាក់ក្នុងចំណោមអ្នកចូលរួម ទាំងអស់២៥នាក់ ដែលពីរនាក់មិន យល់ព្រម រួមមាន លោក អាត់ ធន់ ប្រធានសម្ព័ន្ធ សហជីពប្រជាធិបតេយ្យកម្មករកាត់ដេរកម្ពុជា ហៅកាត់ថា ស៊ីខាវឌូ និង អ្នកស្រី ម៉ម ញឹម ប្រធានសហព័ន្ធ សហជីព ជាតិនៃឧស្សាហកម្មវាយនភណ្ឌកាត់ដេរកម្ពុជា។

កិច្ចប្រជុំបានសម្រេចដំឡើងប្រាក់ឈ្នួលនៅឆ្នាំ២០១៤ដំឡើង១៥ដុល្លារបូកប្រាក់ខែចាស់៨០ដុល្លារ

ស្មើនឹង៩៥ដុលា្លរ(៨០+១៥) , ឆ្នាំ២០១៥ដំឡើង១៥ដុល្លារ ស្មើនឹង១១០ដុល្លារ(៩៥+១៥), ឆ្នាំ​២០១៦​ដំ​ឡើង១៦ដុល្លារស្មើនឹង ១២៦ដុល្លារ (១១០+១៦), , ឆ្នាំ២០១៧ដំឡើង១៧ដុល្លារ ស្មើនឹង​១៤៣​ដុល្លារ​​​(១២៦+១៧) , និងឆ្នាំ២០១៨ដំឡើង១៧ដុល្លារ ស្មើនឹង១៦០ដុល្លារ(១៤៣+១៧) ៕

ប្រភព ដើមអំពិល