3/10/2014 04:12:00 PM
Unknown
ភាគហ៊ុនរបស់ក្រុមហ៊ុនអាកាសចរណ៍ Malaysian Airline System Bhd បានធ្លាក់ចុះខ្លាំងបំផុតក្នុងរយៈ៩ខែ បន្ទាប់ពីយន្តហោះម៉ូដែល 370 របស់ក្រុមហ៊ុនអាកាសចរណ៍មួយនេះ បានបាត់ខ្លួននៅក្នុងជើងហោះហើររវាងទីក្រុងកូឡាឡាំពួរ និងទីក្រុងប៉េកាំងកាលពីពីរថ្ងៃកន្លងទៅនេះ។
ភាគហ៊ុនរបស់ក្រុមហ៊ុននេះ បានធ្លាក់ចុះ ១០ភាគរយមកនៅត្រឹមតម្លៃ ២២,៥សេននៅម៉ោង ១០ និង៣នាទីព្រឹកថ្ងៃនេះ ម៉ោងក្នុងស្រុក ជិតដល់តម្លៃទាបបំផុតនៅម៉ោងបិទផ្សារហ៊ុន បន្ទាប់ពីបានធ្លាក់ចុះ ១៨ភាគរយ។ ភាគហ៊ុននេះ ត្រូវបានជួញដូរយ៉ាងសកម្មបំផុតនៅផ្សារហ៊ុននៅក្រុងកូឡាឡាំពួរ ដោយភាគហ៊ុនចំនួន ២១២លានហ៊ុនត្រូវបានជួញដូរ។
សន្ទស្សន៍ហ៊ុន FTSE Bursa Malaysia KLCI បានធ្លាក់ចុះ ០,៦ភាគរយ ទន្ទឹមនឹងនោះដែរ ប្រាក់រីងហ្គីដ ក៏បានធ្លាក់ថ្លៃ ០,៦ភាគរយផងដែរធៀបនឹងប្រាក់ដុល្លារ។
ប្រទេសម៉ាឡេស៊ី បានខិតខំប្រឹងប្រែងយ៉ាងខ្លាំងដើម្បីស្វែងរកទីតាំងរបស់យន្តហោះ ដែលបានធ្លាក់ក្នុងឈូងសមុទ្រថៃដោយមានអ្នកដំណើរចំនួន ២៣៩នាក់ ដោយផ្តោតលើប្រេងអណ្តែតលើទឹក។ ការសង្ស័យថាមានករណីភាវរកម្មកើនឡើង បន្ទាប់ពីប្រទេសអូទ្រីស និងប្រទេសអ៊ីតាលី បានឲ្យដឹងថា លិខិតឆ្លងដែន ដែលត្រូវបានប្រើប្រាស់ដោយអ្នកដំណើរភេទប្រុសពីរនាក់ ត្រូវបានគេលួចពីពលរដ្ឋរបស់ខ្លួន។
ប្រេងដែលអណ្តែតលើទឹក ដែលយន្តហោះយោធារបស់វៀតណាម បានរកឃើញនោះ មានចម្ងាយប្រមាណ១៤០គីឡូម៉ែត្រពីភាគខាងត្បូងរបស់កោះ Tho Chu ក្នុងឈូងសមុទ្រថៃ ពោលគឺនៅខាងក្រៅសមុទ្រចិនខាងត្បូង។
ក្រុមអ្នកស្រាវជ្រាវកំពុងស្វែងរកយន្តហោះម៉ូដែល Boeing Co. 777-200 ដែលបានបាត់នោះ បន្ទាប់ពីពួកគេបានរកឃើញនូវបំណែកដែលគេសង្ស័យថាជាបង្អួច ឬទ្វារយន្តហោះ៕
ប្រភពៈ ភ្នំពេញប៉ុស្តិ៍
ចំណាត់ក្រុមៈ 
0 comments:
Post a Comment