12/23/2013 11:50:00 AM
Unknown
លោក សម រង្ស៊ី មេដឹកនាំគណបក្សសង្គ្រោះជាតិ នៅម៉ោង ៨ ព្រឹកថ្ងៃចន្ទ
ទី២៣ ខែធ្នូ ឆ្នាំ២០១៣នេះ លោកបានកាន់ក្បាលមេក្រូថ្លែងទៅកាន់ក្រុមកម្មករកាត់ដេរ នៅតំបន់សេដ្ឋកិច្ចពិសេស មេនហាត់ធេន
ក្នុងក្រុងបាវិត ខេត្តស្វាយរៀង ខណះក្រុមកម្មកររោងចក្រ នៅបាវិត
បានធ្វើកូដកម្មចាប់តាំងពីថ្ងៃទី១៧ខែធ្នូ
ឆ្នាំ២០១៣មក។នេះយោងតាមទំព័រហ្វេសប៊ុករបស់លោកសម រង្ស៊ី
នៅថ្ងៃនេះ។
ក្នុងហ្វេសប៊ុកផ្លូវការ លោកសមរង្ស៊ី បានសរសេរ
នៅពីលើរូបថតមួយសន្លឹក ដែលលោកឈរលើឡាន កាន់ក្បាលមេក្រូ
ថ្លែងទៅកាន់ក្រុមកម្មករកាត់ដេរ ដែលឈរត្រៀបត្រា។
លោក សរសេរថា “ខ្ញុំកំពុងចូលរួមបាតុកម្មជាមួយកម្មកររោងចក្រ
ដែលទាមទារតម្លើងប្រាក់ខែ នៅតំបន់សេដ្ឋកិច្ចពិសេស មេនហាត់ធេន
ស្ថិតនៅសង្កាត់បាវិត ក្រុងបាវិត ខេត្តស្វាយរៀង”។
លោក សមរង្ស៊ី ឆ្លៀតទៅចូលរួមបាតុកម្មជាមួយកម្មករនៅបាវិត ពេលនេះ
បានធ្វើឡើង ខណៈដែលគណបក្សសង្គ្រោះជាតិ បន្តបាតុកម្ម
នៅទីលានប្រជាធិបតេយ្យ ដើម្បីតវ៉ាឲ្យមានការបោះឆ្នោតឡើងវិញនិងទាមទារឲ្យសម្តេចហ៊ុនសែន ចុះចេញពីតំណែងនាយករដ្ឋមន្ត្រី។
បាតុកម្មរបស់គណបក្សប្រឆាំង បានធ្វើឡើងជាប់ៗគ្នា រាល់ថ្ងៃ
ចាប់តាំងពីថ្ងៃទី១៥ ខែធ្នូ ឆ្នាំ២០១៣។
បាតុកម្មរបស់ក្រុមកម្មកររោងចក្រ នៅតំបន់សេដ្ឋកិច្ចពិសេស
មេហាត់ធេន រួមទាំងតំបន់សេដ្ឋកិច្ចពិសេស ២ កន្លែងទៀត គឺនៅតាយសេង១
និងតំបន់សេដ្ឋកិច្ចពិសេស តាយសេង២ សរុបជាង ៣០ រោងចក្រ
ដែលមានកម្មករប្រមាណ ២៨.០០០ នាក់
បានធ្វើកូដកម្មតៗតាមគ្នា ចាប់តាំងពីថ្ងៃទី១៧ ខែធ្នូឆ្នាំ២០១៣។
លោក ប៉ាវ ស៊ីណា ប្រធានសម្ព័ន្ធសហជីពចលនាកម្មករ បានលើកឡើងថា
កូដកម្មតាមគ្នារបស់ក្រុមកម្មកររោងចក្រជាង ៣០
ក្នុងតំបន់សេដ្ឋកិច្ចពិសេស មេហាតធេន តាយសេង១
និងតំបន់សេដ្ឋកិច្ចពិសេស តាយសេង២ បានធ្វើកូដកម្មតវ៉ា
ដើម្បីទាមទារដំឡើងប្រាក់ខែយ៉ាងតិច ១៥៤ ដុល្លារ
ទាមទារលុបចោលកិច្ចសន្យារយៈពេលខ្លី
ទាមទារបញ្ឈប់ការរើសអើងសហជីពកម្មករ និងទាមទារប្រាក់ជំនាញ ជាដើម។
លោក ស៊ីណា ដែលបានចូលរួមចរចាជាមួយថៅកែរោងចក្រ និងអភិបាលខេត្តស្វាយរៀង រួមទាំងមន្ទីរការងារខេត្ត តែគ្មានដំណោះស្រាយ បានឲ្យដឹងថា ឆ្លងតាមការចរចា ដែលមិនទាន់ត្រូវរ៉ូវគ្នាកន្លងមកនេះ គឺមានការព្រមព្រៀងគ្នាថា មិននិយាយពីប្រាក់ឈ្នួលទេ ដោយទុកឲ្យក្រុមប្រឹក្សាការងារ ប្រជុំចរចា នៅថ្ងៃទី២៤ ខែធ្នូ ឆ្នាំ២០១៣។ ចំណែកបញ្ហាទាមទារដទៃទៀត ដូចជា ទាមទារលុបចោលកិច្ចសន្យារយៈពេលខ្លី ទាមទារបញ្ឈប់ការរើសអើងសហជីពកម្មករ និងទាមទារប្រាក់ជំនាញ ជាដើម ក៏មិនទាន់ត្រូវរ៉ូវគ្នា ដោយសារតែភាគីថៅកែរោងចក្រ មិនព្រមដោះស្រាយ ដោយចាត់ទុកថា កូដកម្មតាមគ្នារបស់កម្មករទាំងអស់នោះ ជាកូដកម្មខុសច្បាប់។
លោក ស៊ីណា ដែលបានចូលរួមចរចាជាមួយថៅកែរោងចក្រ និងអភិបាលខេត្តស្វាយរៀង រួមទាំងមន្ទីរការងារខេត្ត តែគ្មានដំណោះស្រាយ បានឲ្យដឹងថា ឆ្លងតាមការចរចា ដែលមិនទាន់ត្រូវរ៉ូវគ្នាកន្លងមកនេះ គឺមានការព្រមព្រៀងគ្នាថា មិននិយាយពីប្រាក់ឈ្នួលទេ ដោយទុកឲ្យក្រុមប្រឹក្សាការងារ ប្រជុំចរចា នៅថ្ងៃទី២៤ ខែធ្នូ ឆ្នាំ២០១៣។ ចំណែកបញ្ហាទាមទារដទៃទៀត ដូចជា ទាមទារលុបចោលកិច្ចសន្យារយៈពេលខ្លី ទាមទារបញ្ឈប់ការរើសអើងសហជីពកម្មករ និងទាមទារប្រាក់ជំនាញ ជាដើម ក៏មិនទាន់ត្រូវរ៉ូវគ្នា ដោយសារតែភាគីថៅកែរោងចក្រ មិនព្រមដោះស្រាយ ដោយចាត់ទុកថា កូដកម្មតាមគ្នារបស់កម្មករទាំងអស់នោះ ជាកូដកម្មខុសច្បាប់។
ដំបូងឡើយ កូដកម្មរបស់កម្មករ នៅតំបន់សេដ្ឋកិច្ចពិសេស
ក្នុងក្រុងបាវិត បានចាប់ផ្តើមឡើងពីរបីរោងចក្រប៉ុណ្ណោះ
កាលពីថ្ងៃទី១៧ ខែធ្នូ ឆ្នាំ២០១៣។
តែក្រោយមកក៏រាលដាលដល់រោងចក្រទាំងអស់នៅតំបន់សេដ្ឋកិច្ចទាំងបី
ក្នុងក្រុងបាវិត។
ក្នុងពេលធ្វើកូដកម្មតវ៉ានោះក៏មានកម្មករមួយក្រុម បានគប់ដុំថ្ម
និងវាយកម្ទេចទ្រព្យសម្បត្តិរោងចក្រ។ សកម្មភាពទាំងនោះ
ត្រូវបានមេដឹកនាំសហជីពកម្មករ លោក ប៉ាវ ស៊ីណា ចាត់ទុកថា
ជាទម្លាប់របស់កម្មករមួយក្រុមនោះ ព្រោះឲ្យតែមានកូដកម្មតវ៉ា
គឺពួកគេ តែងតែគប់ដុំថ្ម និងវាយកម្ទេចរបររោងចក្រ៕
ប្រភព សម្លេងសារព័ត៏មានសេរី
ចំណាត់ក្រុមៈ 
0 comments:
Post a Comment