12/23/2013 04:07:00 PM
Unknown
បាងកក៖ លោក ស៊ូថេប ថងស៊ូបាន
ដែលជាប្រធានគណៈកម្មាធិការប្រជាជនដែល
ពេលនេះកំពុងតែធ្លាក់ចុះប្រជាប្រិយនោះបានខិតខំស្វែងរកការគាំទ្រពីសហគមន៍អន្ដរជាតិសម្រាប់យុទ្ធនាការផ្ដួលរំលំរដ្ឋភិបាលខណៈលោកស្រី យីងឡាក់ បានសម្តែងភាពក្លាហានហ៊ានធ្វើអ្វីសព្វយ៉ាង ជាពិសេសតាមព្រះមហាក្សត្រ។
លោកស៊ូ ថេប បានអញ្ជើញបណ្ដា មន្ដ្រីការបរទេសដែលមានវត្ដមានក្នុង
ក្រុងបាងកកដើម្បីត្រួតពិនិត្យសង្កេត ការណ៍ទៅលើទីតាំងដែលក្រុមរបស់
លោកធ្វើបាតុកម្ម ក៏ដូចជាការមិនគាំទ្រ
ដល់ការបោះឆ្នោតនាពេលខាងមុខ។ចំណែក មន្ដ្រីរដ្ឋទូតជាច្រើនដែល
មានវត្ដមាននៅទីក្រុងបាងកកបាន ប្រកាសថា ទូតរបស់ខ្លួនមិនបានបញ្ជូន
តំណាងទៅចូលរួមជាមួយលោកស៊ូថេបនោះឡើយ ។
លោកស៊ូថេប ស្វែងរកការ គាំទ្រពីសហគមន៍អន្ដរជាតិបានបង្ហាញថា
ការគាំទ្រពីស្ថាប័នសំខាន់ៗ នៅក្នុងស្រុកដូចជាមិនមានទៀតឡើយខណៈដែលក្រុមយោធាដែលមានឥទ្ធិពលបំផុតក៏ច្រានចោលគម្រោងរបស់
លោកដែរដោយឈរជាអាជ្ញាកណ្ដាល។យោធាថៃមានការធុញទ្រាន់នឿយណាយជ្រៀតជ្រែកក្នុងឆាកនយោបាយដោយកន្លងមកយោធាចូលរួមធ្វើរដ្ឋប្រហារ១៨លើក មកហើយតាំងពីឆ្នាំ១៩៣២ ។ ដូច្នេះបើ
នៅតែធ្វើរដ្ឋប្រហារវិបត្ដិនឹងនៅតែបន្ដ។
លើសពីនេះទៅទៀត ទាំងស្ថាប័នព្រះមហាក្សត្រ រដ្ឋធម្មនុញ្ញ សុទ្ធសឹងតែបាន
គាំទ្រគោលនយោបាយបោះឆ្នោតជាថ្មី របស់លោកស្រីយីងឡាក់។
សូម្បីតែបក្សប្រឆាំងគណបក្សប្រជាធិ បតេយ្យក៏នឹងចូលរួមបោះឆ្នោតតាម
ការត្រាស់បង្គាប់របស់ព្រះមហាក្សត្រ បានធ្វើឱ្យលោកស៊ូថេប កាន់តែឯកោ
រសើបឆ្អឹងខ្នង ស្វែងរកការគាំទ្រពីអន្ដរជាតិវិញម្ដង ។
កន្លងមក លោកស៊ូថេប ថងស៊ូបាន បានប្រកាសថា
នឹងរៀបចំមហាបាតុកម្មថ្មីទ្រង់ទ្រាយធំបំផុតនៅថ្ងៃអាទិត្យទី ២២
ខែធ្នូ ឆ្នាំ២០១៣ បង្ខំឱ្យលោកស្រី
យីងឡាក់លាលែងពីតំណែងផ្ដល់សិទ្ធិគ្រប់គ្រងដល់គណៈកម្មការប្រជាជន ។
លោក សូថេប បានអំពាវនាវដល់ពលរដ្ឋថៃ ទាំងមូល
ចូលរួមនូវមហាបាតុកម្មនា ពេលខាងមុខឱ្យបានច្រើនបំផុត ។
កាលពីថ្ងៃទី១៨ ខែធ្នូ នាយករដ្ឋមន្ដ្រី យីងឡាក់ បានបញ្ជាក់ទៀតថា
តាមរដ្ឋ ធម្មនុញ្ញថៃ លោកស្រីនៅតែបន្ដកាន់ តំណែងជានាយករដ្ឋមន្ដ្រី
នៅក្នុងរដ្ឋាភិ បាលចាំផ្ទះ រហូតដល់នាយករដ្ឋមន្ដ្រីថ្មី
ត្រូវបានបោះឆ្នោតជ្រើសរើសឡើង ។ តាមគម្រោងការបោះឆ្នោតនឹងត្រូវធ្វើ
ឡើងនៅថ្ងៃទី២ កុម្ភៈ ២០១៤ តាម ព្រះរាជសាររបស់ព្រះមហាក្សត្រ ។
លោកស្រី យីងឡាក់ បានអំពាវនាវ ដល់ពលរដ្ឋថៃទាំងមូលចូលរួមក្នុងការ
បោះឆ្នោតតាមពេលវេលាដែលព្រះ មហាក្សត្របានកំណត់ ។ ក្នុងពេលជា
មួយគ្នានោះ អ្នកនាំពាក្យរដ្ឋាភិបាលថៃ បានប្រកាសថា
រដ្ឋាភិបាលចាំផ្ទះបាន អនុម័តមូលនិធិមានតម្លៃ ៣,៨ពាន់ លានបាត ស្មើ
១១៨,៦លានដុល្លារ សម្រាប់ការបោះឆ្នោតនាពេលខាងមុខផងដែរ៕
ប្រភព វាលឥន្រ្ទិយ
ចំណាត់ក្រុមៈ 
0 comments:
Post a Comment