ឆ្នាំ​​២០១៤​ អ្នក​​នៅ​​ភ្នំ​ពេញ​​អាច​ធ្វើ​ ស្លាក​​លេខ​​ម៉ូតូ​​នៅ​ត្រឹម​​ថ្នាក់​​ខណ្ឌ​​

នៅឆ្នាំ ២០១៤​​​ខាង​មុខ​នេះ ប្រជាពលរដ្ឋ​​ទាំងអស់ ដែល​​រស់​នៅ ​​រាជ​ធានី​​ភ្នំពេញ​​ អាច​​ធ្វើ​​ស្លាក​​លេខ​​ម៉ូតូ​​ របស់​​ខ្លួន​​បាន ​នៅ​​តាម​​សាលា​ខណ្ឌ​​ ដែល​​ខ្លួន​​រស់​នៅ​។ ​ការធ្វើ​​ស្លាក​​លេខ​​នេះ​​ គឺ​ត្រូវ​​ធ្វើ​​ នៅ​​ការិយា​ល័យ ​​ច្រក​​ចេញ​ចូល ​​តែ មួយ ​របស់​​ខណ្ឌ​ ​ដោយ​​មិន​​ចាំ​បាច់​ ​ទៅ​​ធ្វើ​​នៅ មន្ទីរ​​សាធារណ​ការ​​ និង​ដឹកជញ្ជូន ​រាជធានី​ភ្នំពេញ​ ដូច​មុន​ទៀត​នោះទេ​។

គួរបញ្ជាក់​ថា ​ការផ្លាស់ប្តូរ​ឲ្យ​ប្រជាពលរដ្ឋ ​ដែល​រស់នៅរាជធានី​ភ្នំពេញ​ អាច​ទៅ​​ស្លាក​លេខ​​ម៉ូតូ នៅ​ការិយាល័យ​​ច្រក​ចេញចូល តែ​មួយ​របស់​​សាលាខណ្ឌ ត្រូវបានគេ​មើលឃើញ​ថា​ បាន​ធ្វើឡើង​បន្ទាប់​​ពី​មន្ទីរ​​សាធារណៈការ ​និង​ដឹកជញ្ជូន​រាជធានី​ភ្នំពេញ​ បានផ្លាស់​ប្តូរ​ទីតាំង​ពី​ម្តុំ​​បុរី​កីឡា ​ទៅ​តាំង​នៅ​ទល់មុខ​វត្ត​​ព្រែកលាប ​នា​ផ្លូវជាតិ​លេខ​៦​អា​ ក្នុង​រាជធា​នី ភ្នំពេញ​៕

ប្រភពៈ SKD168